VOV4.K’ho – Thủ tướng Chính phủ pa geh công điện jal mhar pơyua ală càr kềng gah dà lềng bơh Quảng Ninh tus Khánh Hoà, ală càr tiah kơh bơ nơm đah tô dà lơgar mờ càr lơgar Hà Nội, Ủy ban dà lơgar rơcang sơndră trồ tiah lơh aniai mờ jòi dong kờl rềs àr; Mpồl đơng lam dà lơgar bè rơcang sơndră trồ tiah lơh aniai; ală gah lơh broă dà lơgar, anih lơh broă ndrờm mờ gah lơh broă dà lơgar, anih lơh broă gơ wèt Chính phủ, sồr mut lơh ală broă lơh rơcang sơndră mìu càl rbut dờng sồ 10.

Mìu càl rbut dờng sồ 10 gam lòt mhar jat gùng rê hờ tiah dà lềng mờ ù gờl lơgar he dê. Jat đơs lài, càl rbut dờng pơnjat tai pràn, càl khồm pràn digơlan tus kơnă 12- 13, pồt kơnă 15. Tềng đap ală gơlik geh kal ke bơh mìu càl rbut dờng dê, ală tiah jal mhar mut lơh ală rơndap broă rơcang sơndră. Ală càr kềng gah dà lềng yal ală cau tờm ơ hò plung in git bă tiah, ală gơlik geh bơh mìu càl rbut dờng dê nàng rơcang lài lik dô halà ba` ntrờn mut tàm tiah ngòt rơ ngơt.

Gah lơh sa suơn sre ală tiah sồr làng bol lơh broă mhar tơwès kòi nhai mìu mờ ală phan tam lơyah ngai, rơcang lài tơnhàu halà geh broă lơh sền gàr ală hìu gu\, bă tiah ròng tam phan tàm dà.

                                                  Cau cih mờ yal tơnggit K’Duẩn