VOV4.K’ho-Tơnơ\ rlau 2 nam bơ\t bơtàu mờ lơh broă lơh lài srơh “3 ờdo ờdă bè lơngăp lơngai tàm [òn lơgar” tàm tiah làng bol jat yàng, [òn Kim Phát, gơ wèt Hìu yàng bàp Kim Phát, xã Hoà Hiệp, kơnhoàl Cư\ Kui`, càr Daklak neh gơ gơs là [òn sơnrờp bơh xã dê lơh geh tơl khà broă lơngăp lơngai ờdo ờdă tàm [òn lơgar. Rài kis lơngăp lơngai neh lơh geh bơta niam nàng ai làng bol jat yàng bàp gơ wèt Hìu yàng bàp Kim Phát in iang nùs lơh broă lơh sa, tă pơgồp uă ngan bơ\t bơtàu [òn lơgar pa ngai sơlơ hờm ram, lơngăp lơngai chờ hờp.

Gùt dar Hìu yàng bàp Kim Phát, tàm [òn Kim Phát, xã Hoà Hiệp, kơnhoàl Cư\ Kui`, càr Daklak dê tu\ do là ală hìu sơmang pa lơh niam bơne\ ngan gơlơh bè dùl tiah drà dềt tàm gùl [òn lơgar. Ală gùng lòt tàm [òn neh geh dă cài halà lơh mờ bê tông. Ồng Vũ Văn Mạnh, kis tàm [òn Kim Phát, chờ hờp pà gi\t: Ală nam lài, làng bol jơh nùs ngan pà ù, lơh gùng, tă pơgồp ngai lơh broă bơ\t bơtàu [òn lơgar pa mờ jơh nùs tus bal srơh jơh gùt làng bol sền gàr lơngăp lơngai Dà lơgar. Ồng Vũ Văn Mạnh, đơs:

“Hìu yàng bàp Kim Phát tam pà gơs 26 mpồl, tus tàm trồ mang den làng bol tam jàu drơng gàr, sền gàr mờ yal tơngkah…bơh ngai hơ\ tus tu\ do ală jơnau ờ niam ờ gam geh tai. Niam ngan tu\ mờ gơnoar atbồ bơyai lơh sền gàr bơta lơngăp lơngai bè hơ\, làng bol jat yàng bàp chờ hờp ngan”.

Ồng Nguyễn Văn Nhân, Kuang atbồ Kuang àng xã Hoà Hiệp, pà gi\t: Mờ gơnoar broă là mpồl cau tờm tàm tu\ mu\t lơh srơh, mpồl kuang àng tiah do neh jơh nùs ngan rơcang lài tàm broă lơh mblàng yal hòi jà lam sồr làng bol, lòt sền gàr [òn lơgar. Bal mờ bơta lơh jat mờ tus bal jơh nùs bơh làng bol dê, bơta lơngăp lơngai đah jat yàng, lơngăp lơngai ờdo ờdă tàm [òn lơgar neh geh uă bơta gơ tam gơl niam ngan, bè: ờ gam gơlik geh tai jơnau kal ke, nisơna rơmơ\p ndơl; ală broă lơh tìs kơrnoat boh lam gơmù uă ngan rlau jơh; jơnau gi\t wa\ lơh jat kơrnoat boh lam bơh làng bol dê tàm tiah jat yàng geh sơlơ gơguh tai uă ngan. Ồng Nguyễn Văn Nhân, pà gi\t:

“Tài Hìu yàng bàp Kim Phát, bol a` crơng gơs 26 mpồl, tơl mpồl geh bơh 10 tus 30 nă cau gơ jat tơl [òn. Ală cau tàm mpồl neh pơgồp bal mờ mpồl kuang àng xã, kuang àng [òn, sền gàr is nàng lam lòt sền gàr mờ sơlơ mblàng yal uă…”.

{òn Kim Phát geh rlau 500 hìu làng bol, jơh ală làng bol jat yàng lơm. Gơnoar broă bơh ală cau duh broă yàng tàm ală gah jat yàng dê neh pơgồp bơnah kuơmàng ngan tàm srơh jơh gùt làng bol sền gàr lơngăp lơngai Dà lơgar. Ồng Đinh Xuân Huy, Phó Kuang atbồ Mpồl duh broă Hìu yàng bàp Kim Phát, pà gi\t: Pơ gồp bal tàm ală broă lơh đah broă yàng dê, ală bàp yàng neh sùm bơto tơngkah, mblàng yal làng bol in kis niam tàm rài kis lơh àng sơndah jơnau yàng, lơh jat niam gùng dà broă lơh bơh Đảng, kơrnoat boh lam Dà lơgar dê. Ồng Đinh Xuân Huy, đơs:

“Tàm [òn Kim Phát, mờr 100% làng bol jat yàng, sùm geh bàp yàng bơto tơngkah, bè bơta rơndăp tăp sèng, làng bol sùm lơh jat, gi\t wa\ geh broă ờdo ờdă lơngăp lơngai tàm tiah ơm kis”.

 Cồng nha bơh srơh “3 ờdo ờdă lơngăp lơngai tàm [òn lơgar” tàm tiah làng bol jat yàng tàm [òn Kim Phát, xã Hoà Hiệp, neh geh rề ơnàng lơh uă tàm ală [òn ndai tàm xã. Kơnờm bè hơ\ mờ xã neh gờn lơh geh broă do tàm bơ\t bơtàu [òn lơgar pa. Ồng Nguyễn Hồng Khanh, Phó Kuang atbồ Ủy ban Nhân dân xã Hoà Hiệp, pà gi\t: Đảng bộ, gơnoar atbồ mờ làng bol gam jơh nùs lơh ngan nàng lơh jơh ală broă lơh bơ\t bơtàu [òn lơgar pa tàm nam do. Ồng Nguyễn Hồng Khanh, đơs:

“Tus tu\ do, Hoà Hiệp neh jơh lơh 16 tàm 19 broă lơh bơ\t bơtàu [òn lơgar pa, tàm hơ\, broă bè lơngăp lơngai ờdo ờdă tàm [òn lơgar neh jơh lơh geh bơh jo\. Gam 3 broă tai, bol a` lơh ngan geh lơh jơh tàm nam 2017 do”.

Mờng chài bơh ală broă lơh sền gàr is bè Hoà Hiệp dê kung gam geh càr Daklak rề ơnàng lơh uă tàm srơh “Jơh gùt làng bol sền gàr lơngăp lơngai Dà lơgar”. Tus tu\ do, jơh gùt càr Daklak neh lơh geh mờr 2500 mpồl làng bol sền gàr bơta lơngăp lơngai, mpồl sền gàr is, mpồl làng bol rơcang gàr, mpồl tơr`a bơyai tàm xã….Thượng tá Nguyễn Văn Châu, Phó Kuang atbồ Phòng bơ\t bơtàu srơh jơh gùt làng bol sền gàr lơngăp lơngai Dà lơgar di Kuang àng càr Daklak, pà gi\t:

“Tu\ do, broă lơh sền gàr is bè lơngăp lơngai ờdo ờdă [òn lơgar tàm càr Daklak pơnrơ bè là broă lơh “sap ntas tiang liang lơngăp lơngai” tàm xã Ea Ô, kơnhoàl Ea Kar, neh geh lơh bơh jo\ ngan mờ lơh broă geh cồng nha. Broă lơh “[òn làng bol ơm kis ờdo ờdă, ring lơngai ờ geh cau lơh tìs mờ jơnau ờ niam mpồl bơtiàn” geh lơh tàm 17 [òn gơ wèt xã Ea Ninh, kơnhoàl Cư\ Kui`; Broă lơh “[òn ring lơngai ờ geh cau lơh tìs, ờ geh jơnau ờ niam mpồl bơtiàn” tàm [òn 2, xã Ea Kpă, kơnhoàl Cư\ Mgar…Tus tu\ do, geh 341 broă lơh broă geh cồng nha, jat tàm broă lơh do, Kuang àng càr sùm bơyai lơh pơrjum sền wơl, ai jơnau bơsram mờng chài, broă lơh geh cồng nha niam geh rề ơnàng lơh uă…

Bal mờ hơ\, broă bơyai lơh, pơgồp bal, lam lơh, bơ\t bơtàu broă lơh, Kuang àng càr đơng lam sền dờng màng bơ\t bơtàu mpồl cau tờm tàm xã, bơ\t bơtàu mpồl kuang àng xã, [òn làng bol ơm kis, ală mpồl làng bol sền gàr is [òn lơgar tàm xã, mơkung bơto pơlam ai mpồl cau do in nàng gi\t geh kơnòl, jơnau sồr, kơnòl broă, lơh broă lơh sền gàr lơngăp lơngai ờdo ờdă, lơh anih kơldìng kơ\ kơl jăp ai làng bol in, mu\t lơh gơnoar lơh tờm tàm broă sền gàr bơta lơngăp lơngai ờdo ờdă tàm tiah ơm kis!”.

Cau cih mờ yal tơngi\t- Lơ Mu K’ Yến