VOV4.K’ho - Tơnơ\ rlau 3 nam mut lơh rơndap broă “ Sơlơ mblàng yal, bơto bơtê kơrnuat boh lam tus mờ kuang bàng, làng bol tiah nhàr dà lơgar”, bơta ngap lơngai gùng dră bal, ờ do ờ dă mpồl bơtiàn tàm tiah nhàr dà lơgar càr Daklak neh geh bơta tam gơl loh làng ngan. Khà broă lơh tìs kơrnuat boh lam bè ngap lơngai tiah nhàr dà lơgar, bè atbồ sền gàr brê mờ ờ do ờ dă mpồl bơtìan gơmù uă ngan. Kuang bàng, làng bol lơh jat niam gùng dà broă lơh bơh Đảng, kơrnuat boh lam bơh dà lơgar dê, bal mờ mpồl ling sền gàr tiah nhàr dà lơgar sền gàr kơ\ ngap lơngai tiah nhàr dà lơgar mờ bơt bơtàu tiah nhàr dà lơgar ngai sơlơ pràn kơldang kơ\ kơljap:

Sàh tiah nhàr dà lơgar Ea Bung, kơnhoàl Ea Sup, càr Daklak lài do là tiah gơlik geh uă bơta koh kơl aniai brê, ting mòc phan brê tìs mờ kơrnuat boh lam tàm tiah nhàr dà lơgar, là tiah geh uă broă ờ niam mờ gơlik geh uă broă lơh tìs kơn jơ\ ngan. Mut lơh rơndap broă “ Sơlơ mblàng yal, bơto bơtê kơrnuat boh lam tàm tiah nhàr dà lơgar tơngai bơh nam 2013 tus nam 2016”, kuang bàng, cau ling pôs ling sền gàr tiah nhàr dà lơgar Đá Bằng – di mpồl ling sền gàr tiah nhàr dà lơgar càr Daklak neh bal mờ mpồl Đảng, gơnoar atbồ mờ ală mpồl bal tàm [òn lơgar chồl pràn broă mblàng yal, bơto bơtê kơrnuat boh lam tàm làng bol. Mpồl lơh broă làng bol neh jơh nùs pơgồp bal mờ ală mpồl ndai bè mpồl cau ling yau, mpồl cau ùr, mpồl cau lơh broă sa mờ mpồl ơruh pơnu sàh Ea Bung lam lơh uă srơh broă lơh geh tơngume gơ jat bal mờ broă rơcang sơndră cau tìs, broă lơh tìs; bơt bơtàu ală kơrnuat hơ pơrgon tàm mpồl, ơruh pơnu lơh ngan mblàng yal, tus bal bơyai tơr`a ală broă tam lơh tam lah tàm [òn lơgar, ờ lời gơlik geh cau tìs, broă lơh tìs. Mò Nguyễn Thị Phượng, kuang atbồ mpồl cau ùr sàh Ea Bung, kơnhoàl Ea Sup, càr Daklak pà git“ Bol a` neh pơgồp bal mờ pôs ling sền gàr tiah nhàr dà lơgar pơgồp bal tàm ală dơ\ pơrjum mpồl dê. Tàm ală dơ\ pơrjum dờng tàm sàh den bơto bơtê ală adat bè adat sền gàr ngap lơngai tiah nhàr dà lơgar, adat rơcang sơndră tam lơh tam pờng tàm hìu nhă mờ kă bro cau ùr, kơnòm dềt… Bulah là 1 sàh tiah nhàr dà lơgar, mơya ală nam do, mpồl cau ùr ờ hềt geh cau lơi dô gan tiah nhàr dà lơgar. Oh mi cau ùr kung git loh bè broă bơto bơtê kơrnuat boh lam nàng mut ngui tàm rài kis ngan ngồn bè lam sồr cau tờm, hìu nhă, bau kòn ờ lơh tìs kơrnuat boh lam sền gàr ngap lơngai tiah nhàr dà lơgar, broă lơh tìs tàm [òm lơgar.”

Sàh Ea Bung kơnờm bơh hơ\ mờ tơngai lài, broă lơh tìs kơrnuat boh lam, ngan là lơh tìs kơrnuat tiah nhàr dà lơgar mờ bơta koh kơl aniai brê neh gơmù. Mpồl ling bal mờ làng bol ală kòn cau tam klac bal bơt bơtàu tiah nhàr dà lơgar ngai sơlơ bơtàu tơnguh.

Tàm sàh tiah nhàr dà lơgar Krông Na, kơnhoàl Buôn Đôn, kuang bàng, cau ling pôs ling sền g àr tiah nhàr dà lơgar Srêpôk kung lơh ngan tus tàm [òn lơgar, mut lơh uă broă lơh ngan ngồn bè lơh tùh sră kơrnuat boh lam, broă lơh “ sap klèng làng bol rơcang lài”, “ sap ntas sền gàr ngap lơngai”, “ [òn ờ geh ơruh pơnu lơh tìs kơrnuat boh lam”… Jat Đại uý Phạm Văn Hứng, kuang jat jơng lơh broă gùng dră bal Pôs ling sền gàr tiah nhàr dà lơgar Srêpôk, nàng làng bol in git mờ lơh jat niam ală jơnau cih kơrnuat boh lam dê, kuang bàng, cau ling mpồl ling sền gàr tiah nhàr dà lơgar lài ngan pal gàr kơ\ nùs nhơm cau ling wa Hồ, rềp mờ làng bol mờ pal lam lài nàng làng bol in pin dờn, kờ` gơboh“ Sàh Krông Na geh bơta pơn rơ là geh uă kòn cau, rlau 80% kòn cau ơm kis bơh jo\, rlau 62% là hìu nhă r[ah mờ hìu nhă ndrờm bè cau r[ah. Tàm tu\ mut lơh rơndap broă, bol a` jòi git nền nòn bè cau pal mblàng yal nàng đal git loh tơngume, broă mut lơh mờ mpồl cau mblàng yal dipal mờ chài git wă làng bol dê. Mìng is gơ wèt mờ mpồl ling sền gàr tiah nhàr dà lơgar, bol a` geh mut lơh niam broă 4 bal hơ\ là sa bal, ơm bal, lơh bal mờ đơs bal dà đơs nàng làng bol in git, pin dờn; lơh nàng làng bol in go\ mờ đòm jat.”

Tàm 3 nam mut lơh rơndap broă “

Sơlơ mblàng yal, bơto bơtê kơrnuat boh lam tus mờ kuang bàng, làng bol tiah nhàr dà lơgar”, mpồl ling sền gàr tiah nhàr dà lơgar càr Daklak neh bal mờ gơnoar atbồ mờ ală gah lơh broă geh gơnoar pơgồp bal bơyai lơh mblàng yal 96 dơ\ tus mờ rlau 82 rbô dơ\ cau jòi git bè ală gùng dà, broă lơh pa, adat pa geh tơlik. Bal mờ hơ\, neh lam sồr làng bol jàu 35 nggkơr phàu mờ phan bơrtoh, làng bol neh yal uă jơnau tơnggit geh kuơ, tus bal tam dră cau tìs… Ồng Lê Tiến Dũng, Phó chủ tịch UBND sàh Krông Na, kơnhoàl Buôn Đôn đơs:Lài mờ tu\ mut lơh rơndap broă den bơta lơh tìs kơrnuat boh lam tàm sàh Krông Na gơlik geh kal ke ngan. Ngan là ală broă lơh tìs kơrnuat boh lam bè atbồ sền gàr brê, lơh tìs sền gàr ngap lơngai tiah nhàr dà lơgar, lơh aniai tus ngap lơngai [òn lơgar… Sơlơ mblàng yal, bơto bơtê kơrnuat boh lam tus mờ làng bol sàh Krông Na, làng bol neh lơh jat niam kơrnuat boh lam, ală broă lơh tìs, khà broă lơh tìs kơrnuat boh lam neh gơmù. Bơta pơgồp bal đah ală mpồl mùl màl bè mpồl Đảng, gơnoar atbồ, ală mpồl bal, mpồl ling sền gàr tiah nhàr dà lơgar, mpồl sền gàr brê mờ mpồl kuang àng làng bol neh geh bơta pơgồp krà` cê, uă rlau. Mblàng yal lơh geh uă cồng nha loh làng ngan.”

                                                                                     Cau cih mờ yal tơnggit K’Duẩn