VOV4.K’ho - Hìu bơsram Trung cấp broă lơh sồ 15 geh hìu lơh broă tờm tàm [òn dờng Pleiku, càr Gialai, geh crơng gơs dùl tơngai bal mờ Binh đoàn 15. Sơn đờm bơh dùl hìu bơsram bơto pơlam cau drơng broă kỹ thuật Binh đoàn 15 in, sơr lèt gan rlau 30 nam bơt bơtàu mờ dờng pràn, tu\ do hìu bơsram Trung cấp broă lơh sồ 15 neh rề rơnàng cau bơsram kung bè khà broă lơh geh bơto bơtê mờ neh ngan ngồn gơs là dùl anih bơto bơtê pin dờn ngan tàm gah bơto broă lơh tàm Tây Nguyên.

Tơnơ\ mờ tu\ jơh tơngai lơh kơnòl lòt ling, Siu Hlin, ơm tàm [òn Plei A, ntum Gào, [òn dờng Pleiku, càr Gialai cih mat bơsram broă lơh công nghệ rơndeh dờng tàm hìu bơsram Trung cấp broă lơh sồ 15, Binh doàn 15. Tơnơ\ rlau 2 nam bơsram tàm do, Hlin neh git loh mờ mut lơh chài ngan ală bơta gơ rềng tus broă lơh ờs mờng. Hlin pà git, tu\ do, bi pin dờn ngan tu\ jơh bơsram geh jòi geh broă lơh dipal, bal mờ khà priă nhai gơtùi kơlôi rơcang rài kis mờ sền gròi hìu nhă bi in. Tài mpồl cau pơgru bal mờ phan bơna bơto bơtê tàm hìu bơsram pa ngan tus mờ broă tơnguh bơta chài lơh broă cau bơsram in. Siu Hlin đơs: “ Tàm do geh uă ngan cau pơgru, bơta lơi ờ hềt git, cau pơgru pơgồp jơnau đơs hơ\ sồng kơlôi sơnơng, jòi git, bơto bơtê bè lơi nàng cau bơsram [uơn git rlau. Phan bơna tàm do tơl làm ngan, niam ngan nàng cau bơsram in bơto bơsram kờ` tơnguh chài lơh broă.”

Là oh kòn làng bol kòn cau ơm kis bơh jo\ tàm [òn lơgar, den tàng Lin deh nam 1996 ơm tàm [òn Tiêng 1, ntum Tân Sơn, [òn dờng Pleiku geh ờ sa priă bơsram tu\ tus bal ơdu\ quản trị mạng tàm hìu bơsram Trung cấp broă lơh sồ 15. Lin pà git, tu\ do tàm [òn oh ơm kis, geh êt ngan kuang bàng tàm [òn lơgar chài ngui mái\ vi tính. Bơta do lơh gơbàn kòl yan dờng ngan tàm broă lơh. Mờ bơta kơp kờ` gơs dùl nă kuang bàng lơh broă tàm Anih duh broă làng bol ntum, tơnơ\ mờ tu\ klo jơnau tơngit bè ơdu\ quản trị mạng tàm hìu bơsram, Lin neh cih mat dan mut bơsram mơ. Tơnơ\ 2 nam bơsram, oh neh geh uă ngan bơta chài tàm broă ngui mai\ tính drơng broă lơh in. Lin pà git: “ Oh ngui mai\ tính den git ngui ală bơta word, excel mờ access, lập trình C, lập trình Pascal, lập trình HTML. Cau pơgru tàm do jơh nùs ngan tàm broă bơto bơtê cau bơsram he in mơkung pơn jờng bol oh lơh ngan bơsram, nàng tơnơ\ do geh broă lơh niam drơng mpồl bơtiàn mờ să tờm in.”

Mờ jơnau đơs bơto broă lơh gơjat bal mờ jơnau kờ` ngan ngồn bơh mpồl bơtìan dê, tu\ do hìu bơsram Trung cấp broă lơh sồ 15, Binh đoàn 15 gam bơto 8 broă lơh gah trung cấp là công nghệ rơndeh dờng, quản trị mạng, hàn công nghệ cao, broă tam chi jo\ ngai, đèng lơh sa mờ mai\ mok, đèng drơng rài kis làng bol in, koh, tồl phan lòs, kỹ thuật mrềt. Bal mờ hơ\, hìu bơsram gam tam klac bơto bơtê mờ uă hìu bơsram trung cấp, cao đẳng, hìu bơsram dờng tàm gùt lơgar kờ` bơto bơtê tơn tàm [òn lơgar ờ uă broă lơh bè trung cấp ơdu\ bơh sơn rờp, trung cấp lơh sơnơm, lơh sơnơm bơhìan yau… Bơh sơn rờp, cau tus bal bơsram mìng là mpồl cau ling jơh tơngai lơh kơnòl lòt ling, mơya tu\ do neh rề ơnàng tus uă cau ndai bè oh kòn hìu nhă rơbah, oh kòn làng bol kòn cau mờ ală cau geh jơnau kờ` tàm gùt lơgar.

Dờp git rơndap broă bơto bơtê broă lơh pal ai broă mut lơh ngan ngồn lơh tờm, ală nam do, hìu bơsram neh ngai sơlơ bơcri lơh ròt hìu mai\, blơi phan bơna bơto bơtê kờ` drơng niam ngan rlau jơh tus mờ broă mut lơh ngan ngồn, bơto pơlam bơh cau bơsram dê. Tu\ do, pah nam, hìu bơsram gơ hòi geh mờ bơto bơtê rlau 5 rbô 500 nă cau in, cau jơh bơsram drơng jat jơnau kờ` ngan ngồn mờ geh ală mpồl ngui cau lơh broă đơs niam ngan. Đại uý Nguyễn Văn Anh, atbồ cơldu\ bơto bơtê, hìu bơsram Trung cấp broă lơh sồ 15, Binh đoàn 15 pà git: “ Ròt phan bơna, mai\ mok kung bè hìu mai\ neh drơng jat jơnau kờ` bơto bơsram kung bè drơng jat jơnau kờ` bơsram tàm tơngai tơnơ\ do. Bơh sơn rờp phan bơna, mai\ mok pa drơng jat jơnau kờ` ngan ngồn tàm [òn lơgar kung bè gùt lơgar. Hìu ơm bal mờ ală bơta ndai, tu\ do hìu bơsram kung gam bơcri mut lơh. Cau jơh tơngai lơh kơnòl lòt ling den gơtùi đơs là hìu bơsram gơtùi drơng 100% ală oh jơh tơngai lòt ling rê bơsram tàm hìu bơsram.”

                                             Cau cih mờ yal tơngit K’ Duẩn.