VOV4.K’ho – Lồi poh lài, tàm [òn dờng Buôn Ma Thuột, càr Daklak geh bơyai lơh pơrjum hòi jà bơcri priă Tây Nguyên dơ\ 4. Brồ guh ală cồng nha bơh 3 pơrjum dơ\ lài dê, pơrjum do pơnjat tai sơlơ hòi jà mờ ngui geh cồng nha ală bơnah priă bơcri, pơ gồp bơnah chul chồl bơtàu tơnguh lơh sa - mpồl bơtìan Tây Nguyên dê. Kờ` git dùl êt bè cồng nha lơh sa mpồl bơtiàn lơh geh tơ nơ\ ală broă lơh ngan hòi jà bơcri priă, bol a` yal bè cồng nha bơcri ală rơndap broă tàm 2 nam do tàm càr Gialai, là càr geh bă ù dờng ngan rlau jơh Tây Nguyên:

Tơngai bơh nam 2015 tus tu\ do, Kông ti Cổ phần sơdàng Quảng Ngãi là mpồl lơh sa kă bro bơcri priă uă ngan rlau jơh tàm càr Gialai mờ priă bơcri rlau 3 rbô 600 tơmàn priă. Ală rơndap broă kông ti mut lơh ndrờm cèng kơnă dà lơgar.  Tàm hơ\, rơndap broă tơnguh cồng nha lơh broă hìu mai\ sơdàng An Khê mờ priă bơcri mờr 1 rbô 200 tơmàn priă neh dong hìu mai\ do geh cồng nha lơh geh uă ngan rlau jơh dà lơgar tu\ do, mờ 18 rbô tấn tàu pah ngai; rơndap broă lơh hìu mai\ pờ tơlik ồs đèng sinh khối An Khê mờ priă bơcri rlau 2 rbô 400 tơmàn priă là rơndap broă lơh hìu mai\ đèng sinh khối dờng ngan rlau jơh dà lơgar, mờ bơta pràn bơceh lơh 95MW. Ală rơndap broă do neh, gam mờ geh pơ gồp bơnah mut ngui geh cồng nha bơta pràn kung bè chul chồl bơtàu tơnguh lơh sa, mpồl bơtiàn tàm càr. Ồng Nguyễn Văn Hảo, Phó Gíam đốc hìu mai\ sơdàng An Khê, Kông ti Cổ phần sơdàng Quảng Ngãi đơs: “Ală rơndap broă bơcri priă tàm càr Gialai bơh Kông ti Cổ phần sơdàng Quảng Ngãi bơh nam 2015 tus tu\ do neh brồ guh cồng nha. Gơ wèt mờ ală rơndap broă do neh dong kờl mờ bơ dong anih tơlik tac git nđờ jơt rbô hìu nhă tam, kă bro tàu. Bal mờ hơ\, pah nam hìu mai\ tă pơ gồp dùl khà uă ngan tàm kes priă kung bè ai geh broă lơh cau tàm [òn lơgar in.”

Bơta tus bal jơh nùs bơh ală mpồl lơh sa kă bro kung bè ală anih priă jền dê neh lơh geh ală tam gơl uă ngan bè broă lơh sa, mpồl bơtiàn bơh Gialai mờ Tây Nguyên dê tơngai pa do. Lài mờ nam 2017, gùng rơndeh 14 geh sền là bơta tờm tàm bơtàu tơnguh lơh sa càr Gialai dê đơs is, Tây Nguyên đơs bal. Bulah bè hơ\, gơl gùng do tu\ do neh geh bơcri lơh niam mờ pờ ơnàng, dong ală càr tàm tiah do tam klac [uơn [ùai mờ ală càr đah jum mattơngai lik dà lơgar. Ồng Hoàng Văn Trung, Phó Tổng giám đốc Kông ti Quang Đức Gialai pà git, kông ti dờp bơcri lơh 26 kơi sồ gùng Hồ Chí Minh lòt gan Tây Nguyên mờ priă bơcri mờr 840 tơmàn priă. Mờ broă anih priă jền mut lơh di jơnau pơrgon ai càn priă, rơndap broă neh geh lơh jơh gờ`. Ồng pà git: “Bol a` geh anih priă jền Vietinbank ai càn priă mờ khà 85%. Tàm tơngai mut lơh rơndap broă, Vietinbank neh tă priă càn di tu\, tơl làm jat jơnau pơrgon ai càn priă. Bơh hơ\, dong bol a` geh [uơn [ùai mut lơh rơndap broă. Cồng nha, rơndap broă lơh jơh lài mờ  ngai 30/6/2015, sơr lèt tơngai pơrgon 6 nhai pơn drờm mờ sră pơrgon BOT neh ki\.”

Ală pơrjum hòi jà bơcri priă geh bơyai lơh pa do, ờ mìng là tu\ nàng càr jòi ală bơta pràn, jòi ală cau bơcri priă. Hơ\ gam là tu\ nàng càr sền loh rlau tai bè bơta pràn kung bè bơta geh ngan bè broă bơcri priă. Bơh hơ\, dong càr gơtùi ai tơlik ală broă lơh tam gơl sră nggal lơh broă, tơnguh khà tàm pơr lòng, chồl pràn hòi jà bơcri priă.

           Cau cih mờ yal tơnggit K’Duẩn