VOV4.K’ho - Mpồl lơh sa kă bro 715, Binh đoàn 15, Gah sền gàr dà lơgar là mpồl ling lơh sa lơh broă tàm 4 ntum tiah nhàr dà lơgar bơh kơnhoàl Ia Grai, càr Gia Lai dê. Tàm tiah mờ phan bơna ờ geh, uă bơta ờ niam bè gùng dră bal, ală nam do, mpồl lơh sa kă bro neh mut lơh uă broă lơh ờ mìng gàr niam broă lơh sa, kă bro, mờ gam git ală bơta gơlik geh mờ gàr kơ\ nùs nhơm tàm [òn làng bol ơm kis, cèng wơl ngap lơngai, hờm ram tus mờ ù tiah nhàr dà lơgar:

         Bi Rmah Phong, ơm tàm [òn Ó, ntum Ia O, kơnhoàl Ia Grai yal là, nđờ jơt nam lài, [òn Ó bi dê là [òn rềp tiah nhàr dà lơgar rơbah kal ke ngan: Hìu đam ờ kơ\, làng bol pah nam lòt tàm mìr, tàm brê mờ kung sa ờ tơl mơl ờ bềng sơl. Bơh tu\ mpồl lơh sa kă bro 715 geh crơng gơs, uă ơruh pơnu tàm [òn geh dờp mut lơh kong nhơn, geh priă jền kơ\ kơljap, geh pơlam lơh sưon chi tàm hìu, den tàng rài kis hời rơ hời tam gơl loh làng ngan. Tàm hìu ơnàng rơlau 400 tơlak pa lơh pơgap mờ do 2 nam, bi Phong đơs là, jơh ală bơta lơi mờ hìu nhă bi geh ngai do, uă ngan là kơnờm bơh bơta dong kờl mpồl lơh sa kă bro 715 dê. Bi đơs: “Lài do kal ke ngan, lòt lơh broă mơya piang sàu kung ờ geh sơl. Tus tu\ do, mpồl lơh sa kă bro dong kờl ai geh broă lơh. Bal mờ hơ\, he kung geh kơ nòl rềp mềl mờ suơn chi nàng sơngka sền gàr, kờ` suơn chi gơs niam, ai bơ sơt uă, cèng wơl priă jền lơh geh kơ\ kơljap cau lơh broă in. jơh ală kong nhơn tàm [òn Ó chờ hờp ngan.”

         Nàng tam gơl ală [òn rơbah, bơrngơl gơla bơh kòn cau Jarai dê tàm Ia O gơs ală [òn pas sơm, hờm ram bè tu\ do, uă nam do, mpồl lơh sa kă bro 715 neh mut lơh uă broă lơh tàm broă lam sồr làng bol, tàm hơ\ kuơ màng ngan rlau jơh là broă lơh tam klac hìu nhă. Mùl màl, 1 nă kong nhơn cau yoan den tam klac mờ 1 hìu nhă kong nhơn cau tàm [òn lơgar. Pah ngai, ală hìu nhă tam klac geh tàm tìp, lùp lap, dong kờl bal bè broă lơh sa mờ rài kis. Hìu nhă chài tam, còr bơsơt kau su rlau den geh kơnòl pơlam, bơto hìu nhă ờ huan chài in. Tàm rài kis, khi sền mờ gơp bè oh mi tờm tàm hìu nhă, pơn jờng, lùp còp, dong kờl bal mờ gơp tam gơl ală broă lơh yau, bơtàu tơnguh rài kis. Jat tu\ tơngai, broă lơh tam klac hìu nhă neh ai go\ cồng nha niam ngan tàm broă bơtàu tơnguh lơh sa làng bol kòn cau tàm [òn lơgar in, pơ gồp bơnah gàr kơ\ ngap lơngai, ờ do ờ dă. Thiếu tá Lương Tú Sơn, atbồ mpồl 1, mpồl lơh sa kă bro 715 pà git: “Tàm bơta tus lùp còp, mpồl pơgồp bal git ală bơta gơlik geh. Tài tàm [òn lài do geh ờ uă hìu nhă jat ỳang Tin lành Đêga. Tus tàm [òn, mpồl cribơyai, git ală bơta gơlik geh tàm nùs nhơm bơh tơl hìu nhă tàm [òn lơgar dê. Bơh hơ\ he di tu\ lam sồr khi.”

         Tu\ do, mpồl lơh sa kă bro 715, Binh đoàn 15 gam mut lơh kơnòl tàm 4 ntum tiah nhàr lơgar bơh kơnhoàl Ia Grai dê. Lài do, tiah do sùm gơlik geh ală dơ\ dô gan tiah nhàr lơgar tìs mờ kơrnuat boh lam, ờ uă cau jat ỳang Tin lành Đêga. Kờ` gàr kơ\ ngap lơngai tiah nhàr dà lơgar, bơdìh mờ broă mut lơh kơnòl lơh sa, mpồl lơh sa kă bro 715 neh pơgồp bal pràn ngan mờ mpồl Đảng, gơnoar atbồ tàm [òn lơgar, ală mpồl lơh broă bè kuang àng, ling sền gàr tiah nhàr dà lơgar. Bơh broă lam sồr làng bol, mpồl lơh sa kă bro git ală bơta gơlik geh tàm nùs nhơm làng bol dê, di tu\ lam sồr, kơryan ală broă lơh lơh aniai tus ngap lơngai gùng dră bal tàm tiah nhàr dà lơgar. Bal mờ hơ\, mpồl lơh sa kă bro gam mut lơh uă broă lơh dong kờl tus mờ kong nhơn tàm [òn lơgar, dong ală [òn bơt bơtàu [òn lơgar pa, bơt bơtàu rài kis ngac ngar jak chài, tam gơl bơta sơnơng, broă lơh làng bol in. Ală tam gơl bè lơh sa, mpồl bơtiàn tàm [òn lơgar dong ală bơta bè gùng dră bal kung hời rơ hời kơ\ kơljap. Uă nam do, bơta dô gan tiah nhàr dà lơgar mờ broă lơh bơh ỳang Tin lành Đêga dê tàm [òn lơgar neh geh kơryan. Ồng Rahlan Diếc, atbồ [òn Ó, ntum Ia O, kơn hoàl Ia Grai đơs: “Bơh tu\ mpồl lơh sa kă bro geh crơng gơs, lơh broă tàm ntum, làng bol kong nhơn chờ hờp ngan. Tơ nơ\ mờ tu\ crơng gơs den ai geh broă lơh làng bol in, rài kis làng bol [òn Ó bơtàu tơnguh loh làng ngan, gàr niam ngap lơngai, ờ do ờ dă, sền gàr dà lơgar. Bơh nam 2004 tus tu\ do, ờ gơlik geh bơta lơi bè ngap lơngai gùng dră bal, ờ geh bơta dô gan tiah nhàr lơgar tìs mờ kơrnuat boh lam tus lơgar Campuchia.”

         Kờ` làng bol bal mờ ală cau ling wă rơlao bè gùng dà, broă lơh bơh mpồl duh broă Đảng, Gơnoar atbồ anih lơh sa kă bro bal 715, Binh đoàn 15 tàm broă lơh sa kă bro, kung bè tàm broă lơh jăt kơnòl gàr niam bơta lơngăp lơngai dà lơgar tàm tiah lơh pôs ling, tơnơ\ do, bol a` geh dơ\ lùp Đại tá Hoàng Ngọc Thành, kuang atbồ đơng lam Đảng, Gơnoar atbồ anih lơh sa kă bro bal 715, Binh Đoàn 15.

       - Ơ Đại tá, dan Đại tá pà g^t bè nùs nhơm kơlôi sơnơng mpồl duh broă Đảng, Gơnoar atbồ anih lơh sa kă bro dê tàm broă lơh jăt kơnòl lơh sa tàm do?

        Đại tá Hoàng Ngọc Thành: Anih lơh sa kă bro 715 lơh jăt kơnòl lơh sa pơgồp bal mờ sền gàr bơta lơngăp lơngai dà lơgar tàm 4 ntum kơnhoàl Ia Grai, càr Gia lai dê. Do là tiah tàm tiah ngài, rềp mờ nhàr dà lơgar. Tàm anih lơh sa kă bro lòt gan tus lơgar Campuchia mờ gùng sềm par di pơgăp 12 kơi sồ. Ù tiah kal ke bè hơ\, phan lơh broă pa geh tơnguh bơtàu bơh nam 2004 tus tu\ do. {òn ơm kis tàm do rài kis gam uă kal ke, jơnau g^t wă làng bol dê gam ờ uă. Pah nam, bơdìh mờ broă lơh jăt kơnòl tòm là lơh sa kă bro, mpồl duh broă sùm Đảng, gơnoar atbồ anih lơh sa kă bro kung ai tơl^k kơnòl sền gàr bơta lơngăp lơngai dà lơgar bal mờ kơnòl lam sồr làng bol, dong kờl làng bol tơnguh bơtàu lơh sa, tơn jơh jơgloh, tơmù rơ[ah kung là 1 kơnòl gùng dră bal, lơh sùm jo\ jòng.

        Bol a` neh geh ală broă kờ` dong kờl làng bol geh anih bơ\t bơtàu is rài kis, tơnguh rài kis làng bol dê. Bol a` kung dong kờl làng bol là bơ\t bơtàu rài kis chài rơgơi, lơh tòm là dong kờl làng bol lơh bè lơi kờ` làng bol geh broă lơh ring niam mờ geh tam phan bè lơi kờ` rài kis geh tơl ngui tơl sa.

       - Tàm tơngai pa do, anih lơh sa kă bro neh lơh jăt ală broă lơh lơi kờ` lơh niam kơnòl lơh sa kă bro, mờ geh gàr niam bơta lơngăp lơngai dà lơgar tàm tiah nhàr dà lơgar ơ Đại tá?

Đại tá Hoàng Ngọc Thành: Pah nam, bol a` ai lài broă rơwah cau lơh broă là cau tàm do tơn, mờ dong kờl làng bol geh broă lơh, tơnguh rài kis. Rơwah làng bol mu\t lơh broă den ală priă bơto broă lơh kung uă, mơya bol a` pal dờp jơh. Kơnòl mpồl ling lơh sa tàm tiah lơh pôs ling ai lài là dong kờl làng bol. Dơ\ 2 tai là bol a` dong kờl làng bol bè broă lơh sa kờ` sền gàr mờ lơh niam ală suơn tam phan kờ` làng bol tơnguh bơtàu ală suơn tam cao su, tiêu, điều, dong kờl làng bol ală sơntìl phan tam kờ` làng bol tơnguh bơtàu lơh sa. Tàm do, bol a` gam geh hìu sơnơm ling klàng mờ làng bol pơgồp bal. Pah nam, bol a` hòi jà sơm kòp rơlao 1 rơbô dơ\ cau, mìng là làng bol. Bol a` kung bơyai lơh pơgồp bal hìu nhă, hơ\ là gùng dà broă lơh Binh đoàn dê. Tu\ do, anih lơh sa kă bro neh geh 455 hìu cau lơh broă cau yoan pơgồp bal mờ cau lơh broă là cau kòn cau tàm do. Bơh tàm broă pơgồp bal do, neh gơs bè oh mi tàm hìu nhă tòm, dong kờl bal ală broă tàm rài kis pah ngai bè bơta chài rơgơi, lơh sa. Bơdìh mờ kơnòl lam sồr làng bol mờ dong kờl làng bol tơnguh bơtàu lơh sa, den bol a` gam lơh niam kơnòl gàr niam bơta lơngăp lơngai dà lơgar. Bol a` ai tơl^k kơnòl gàr niam bơta lơngăp lơngai dà lơgar là kơnòl gùng dră bal, broă lơh tòm mờ geh lơh sùm bol a` sùm pơgồp bal mờ mpồl duh broă đảng, gơnoar atbồ tàm do, mờ là cau ling tàm tiah do dê lơh bè lơi kờ` gàr niam bơta lơngăp lơngai, bol a` geh mpồl gàr rơcang lài is lơh jăt broă tàp ling mờ lơh jăt niam jơnau sồr tàp ling Binh đoàn dê, pơgồp bal niam mờ kơrnoăt pơgồp bal bơh mpồl atbồ Binh đoàn bal mờ atbồ Quân khu 5, kuang àng càr, mpồl ling kơnoàl Ia Grai mờ Kuang àng kơnhoàl Ia Grai kờ` gàr niam bơta lơngăp lơngai tàm kơnhoàl.

        - Dan Đại tá pà g^t ală cồng nha neh geh bơh broă lơh jăt ală broă pa yal?

         Đại tá Hoàng Ngọc Thành: Tơngai bơh nam 2014 tus 2015, tàm do geh pơnrơ ngan là broă tiă gan nhàr dà lơgar. Làng bol bơh tàm kơnhoàl ndai tus, geh ală cau ờ niam, dră wơl, sơgràm gùng dà jăt yàng Đảng, Dà lơgar dê kờ` pơrlồm, pơn jồh làng bol tiă gan nhàr dà lơgar ờ di mờ adăt boh lam. Bol a` pơgồp bal mờ ală mpồl ling sền gàr tiah nhàr dà lơgar 707 mờ 719 kờ` kơrian di tu\. Tàm do geh 2 gah jăt yàng tòm là yàng tin lành đah jum dà lơgar mờ yàng bàp geh niam. Ờ uă cau neh sơgràm mu\t tàm [òn lam sồr ờ di gùng dà broă lơh bơh Đảng, Dà lơgar dê. Bơta pràn bol a` dê là geh ală mpồl cau lơh broă kis bơrlu\ bal mờ [òn lơgar. Den tàng, tu\ geh go\ cau tiă gan nhàr dà lơgar, ha là geh cau lơi ờ niam den làng bol yal mờ bol a` pơgồp bal kơrian mơ. Tàm ală nam do, bơta lơngăp lơngai gùng dră bal, ờ do ờ dă mpồl bơtiàn tàm ntum geh niam.

        - Dan ưn ngài Đại tá!