VOV4.K’ho- Mpồl lơh sa kă bro is dùl nă să lơh broă brê bơnơm Đak Hà, tàm kơnhoàl nhàr lơgar Ia H’Drai, càr Kontum geh jàu atbồ mờ sền gàr 34 rbô lồ brê geh is, tàm hơ\ geh 18 rbô lồ gơ wèt broă lơh tă tơm priă sền gàr brê. Là mpồl lơh sa kă bro pa geh càr Kontum crơng gơs tàm bơta gam kal ke ngan, siơ\u siar uă bơta, broă geh bă brê geh tơm priă sền gàr brê neh dong Mpồl lơh sa kă bro geh priă jền sùm nàng atbồ sền gàr brê niam rlau.

34 rbô lồ brê geh is, tàm hơ\ geh 18 rbô lồ brê gơ wèt broă lơh tă tơm priă sền gàr brê bơh Mpồl lơh sa kă bro is dùl nă să lơh broă brê bơnơm Đak Hà gơ wèt bă brê kal ke atbồ sền gàr ngan rlau jơh pơndrờm mờ ală bă brê gam wơl tàm càr Kontum. Gơbàn jơnau do là tài bơh bal mờ bă brê dờng ngan, brê tàm do geh jo\ jòng bơh jat kềng gah dà dờng Sê San mơkung là tiah dơlam tơnau dà bơh bơtơ\t dơng dà hìu măy pờ tơlik ồs đèng Sê San 3A, mờ Sê San 4. Bơdìh hơ\ tai, tiah do gam là rềp nhàr bal bơh kơnhoàl Ia H’Drai mờ kơnhoàl Ia Grai, càr Gialai dê [ươn [oài ngan ai ală cau tus mu\t kơ`au koh kơl dơm chi brê tìs mờ adat boh lam. Ồng Tống Tấn Lực, Kuang atbồ Anih sền gàr tam brê Sê San, là dùl mpồl lơh sa gơ wèt Mpồl lơh sa kă bro is dùl nă să lơh broă brê bơnơm Đak Hà, tu\ do gam atbồ mờ sền gàr 21 rbô lồ brê tàm do, pà gi\t:“Uă ngan ală hìu làng bol kòn cau, ală hìu kis rềp kềng gah tơnau dơng dà là khi đìh plung dềt, hơ\ sồng plung măy lòt tus khi mu\t tàm ală jơng brê, khi mus brê lơh mìr den tàng broă atbồ bơh anih sền gàr tam brê dê là oh mi bòl glar ngan. Bă brê jat kềng bàr gah tơnau dơng dà là kung jòng sơl den tàng lơh broă là oh mi bòl glar rlau uă ngan pơndrờm mờ ală tiah ndai”.

Bal mờ bơta kal ke tàm broă atbồ mờ sền gàr brê bơdìh ù tiah geh ngan, dùl bơta kal ke tai mờ Mpồl lơh sa kă bro is dùl nă să lơh broă brê bơnơm Đak Hà gơtìp hơ\ là priă jền dùl e\t ngan geh pà tàm nam, sùm uă ngan geh ngui nàng tơm priă nhai mờ ală bơta priă dong kờl ndai ai kuang bàng, cau lơh broă tàm mpồl lơh sa kă bro in. Den tàng bè hơ\, bulah khà priă tơm priă sền gàr brê ai tơl lồ brê in bơh mpồl lơh sa kă bro do dê e\t ngan rlau jơh pơndrờm mờ ală tiah ndai bơh càr dê, mìng geh 100 rbô đong dùl lồ mờ tơnơ\ hơ\ geh ai tơnguh tai tus khà e\t ngan rlau jơh là 200 rbô đong dùl lồ jat jơnau ai mơya do kung gam là priă jền kuơmàng ngan dong mpồl lơh sa kă bro lơh kơ\ kơl jăp wơl mpồl kuang bàng, lơh anih drơng sền chul chồl broă lơh atbồ mờ sền gàr brê. Bi Phạm Ngọc Lập, cau lơh broă tàm anih sồ 10 Anih sền gàr tam brê Sê San, pà git:“Broă lơh bơh a` dê là lòt sền pah ngai. Tàm tơngai kàl prang tơngai duh den bol a` sùm lam lòt sền tàm trồ mang nàng sền ală cau chu brê lơh mìr. Dilah he sền go\ là ting bơtrơh tơn halà yal mờ kơnă hơđang in nàng geh broă lơh pràn rlau nàng lơh glài ală cau hơ\”.

Geh priă jền sùm bơh 18 rbô lồ brê geh tơm priă sền gàr brê, Mpồl lơh sa kă bro is dùl nă să lơh broă brê bơnơm Đak Hà rơcang lài rlau tàm broă lơh atbồ mờ sền gàr brê. Ồng Ngô Văn Hải, Kuang atbồ Mpồl lơh sa kă bro do pà gi\t: gơ wèt mờ bă brê dờng màng gùng dà rềp bal mờ càr gơ\p bơyô Gialai, mpồl lơh sa kă bro neh crơng gơs 6 anih, mờ ai tai 20 nă cau tàm kờp jơh 50 nă kuang bàng, cau lơh broă tàm mpồl lơh sa kă bro ai bă brê do in. Bơdìh hơ\ tai, kung kơnờm bơh geh priă jền do, mpồl lơh sa kă bro kung lơh niam broă mblàng yal, lam sồr kờn kơryan bơh ngài ală broă lơh sơgràm aniai brê: “Bol a` neh lơh uă bè broă mblàng yal jơh ală [òn làng bol kung bè là hìu làng bol. Mơkung bal mờ broă mblàng yal là sùm pơgồp bal mờ ală mpồl lơh broă geh gơrềng bè Kuang àng, Ling sền gàr tiah nhàr lơgar, Mpồl sền gàr brê, Gơnoar atbồ tàm tiah hơ\ sơlơ lơh uă tai ală dơ\ lòt sền jòi ku\p nàng kờn sền go\, ku\p kơryan mờ lơh glài di tu\ ală broă gơlik geh”.

Kơnờm geh priă jền sùm bơh broă tơm priă sền gàr brê bal mờ bơta lơh ngan jơh nùs atbồ sền gàr bă brê geh jàu, bơh bồ nam tus tu\ do, khà dơ\ sơgràm aniai brê gơlik geh tàm bă brê bơh Mpồl lơh sa kă bro is dùl nă să lơh broă brê bơnơm Đak Hà dê gơmù uă ngan. Mùl màl, bè tàm Anih sền gàr tam brê Sê San, tiah gơbàn uă ngan bè broă sơgràm aniai brê, koh kơl brê ai ù lơh mìr kung bè koh kơl dơm chi brê tìs mờ adat boh lam, bơh bồ nam tus tu\ do, mpồl do mìng lơh sră nggal pơyua tus Mpồl sền gàr brê kơnhoàl Ia H’Drai in bơsong 5 dơ\, dùl e\t rlau uă ngan pơndrờm mờ lài do.

Cau cih mờ yal tơngi\t- Lơ Mu K’ Yến