VOV4.K’ho - Bal mờ mut lơh kơnòl pơlam tàp rơcang lài tam lơh sền gàr tiah nhàr dà lơgar mờ bơt bơtàu mpồl rơcang gàr tàm làng bol kơ\ kơljap, ală cau ling kơnòm să tàm Đại đội Bộ binh 1 - Mpồl đơng lam ling klàng kơnhoàl Dak Mil, càr Daknông neh sơrlèt gan kal ke, bơtàu tơnguh lơh broă sa, pơgồp bơnah gàr tơl phan sa ờ do ờ dă, tơnguh bơta niam phan sa ai kuang bàng, cau ling tàm mpồl in.

Gam tàm nhai prang duh rơ ồ ngan, mơya suơn biap bơh Đại đội Bộ binh 1, Mpồl đơng lam ling klàng kơnhoàl Dak Mil kung gơs tơlir ngan. Kuang bàng, cau ling tàm mpồl ling pơnjat tai tam bơrlu\ ală bơta biap, gàr tơl biap sa cau ling in. Tàm [làng pôs ling dê, iar, ơda, sur kung geh ròng uă ngan, drơng uă ngan bơta phan sa pah ngai. Thượng sĩ Trần Hồng Tài, Đại đội Bộ binh 1 pà git: “Kờ` drơng broă tơnguh broă lơh sa mờ rài kis oh mi tàm mpồl ling in den pôs ling bol a` sùm rơwah ală bơta biap bè bắp xú, xu hào, xà lách mờ ală bơta biap ndai. Lài mờ tu\ tam, bol a` lơh mbùr ù, sơngka sền gàr di mờ bơta pơlam den biap sùm gơs tơlir.”

Jòi git rlau tai bè broă tơnguh broă lơh sa mpồl ling dê, hơ\sồng gơtùi git bơta lơh ngan bơh ală cau ling wa Hồ tiah do dê. Ờ geh ù ơnàng bè ală mpồl ling ndai, mơya kơnờm git rơndap ngui dipal, Đại đội Bộ binh 1, mpồl đơng lam ling klàng kơnhoàl Dak Mil neh ngui geh cồng nhă bă ù tơnguh broă lơh sa. Bơh hơ\, ờ mìng tam gơl rài kis cau ling in, mờ gam lơh gơs tiah kis “tơlir, kloh, niam”. Kung bơh hơ\, kuang bàng, cau ling bơh mpồl ling dê neh lời git nđờ rbô ngai lơh broă nàng rồ tờ, lơh niam, rơndap ù tiah tam biap ală bơta. Nàng geh suơn ơnàng rlau 1 sàu 3, kuang bàng, cau ling bơh đại đội dê neh pal tă pơgồp uă ngan dà kơl hề nàng cò tơnring lu\ rơđeh, pơndiang ù mbùr jơm đah đang nàng tam. Bal mờ hơ\, ngui è phan ròng geh jơm glòm pơgồp bal mờ kơmhồ kơphe nàng tơnguh khà mbùr, bơta gơs ù in. Thượng uý Hoàng Trường Sơn, Chính trị viên Đại đội Bộ binh 1 đơs: “Pah nhai, chi bộ tơlik nghị quyết sùm tơmut tàm tơngume tơnguh broă lơh sa kờ` chồl pràn broă tam gơl rài kis cau ling in. Brồ guh bơta jak chài mpồl bal, mờ bă ù gam geh tu\ do bơh mpồl ling dê bulah ờ uă, mơya mờ bơta chài tam tàm pơdar ală bơta sơntìl, lơh niam ù, mpồl ling sùm lơh ngan lơh geh mờ sơrlèt rlau khà geh ai tơlik.”

Mờ bơta lơh ngan ờ git glar bòl, tus tu\ do Đại đội bộ binh 1 neh rơndap geh bă ù tơnguh broă lơh sa dờng ngan bal mờ li la ngan ală bơta sơntìl biap, plai, kơnuh. Tài git rơcang lài bè dà, den tàng mpồl ling gam bơtàu tơnguh broă ròng phan. Tu\ do, mpồl ling geh 60 nơm sur, 250 nơm iar ơda geh bơta niam ờ do ờ dă. Đơs bè phan sa bơh mpồl ling lơh gơlik is, Binh nhất Ngô Văn Quốc pà git: “A` sền go\ dơ\ sàu sa bơh mpồl ling dê geh tru\ bơh biap, plai, kơnuh tam is, gàr bơta kloh niam den tàng phan sa tơl niam ờ do ờ dă, den tàng a` go\ sa gơ lơh bơkah ngan, iang nùs bè pràn kơldang să jan he dê nàng lơh broă.”

Tàm nam pa do, tài git rơcang lài bè dà [ồm mờ mut lơh niam srơh “Gah dong broă ling klàng lơh jat jơnau Bác Hồ bơto sồr”, broă tơnguh broă lơh sa mpồl ling dê neh bơtàu tơnguh pràn ngan, lơh geh cồng nha niam. Thượng tá Ksor Lành, Chính trị viên, mpồl đơng lam ling klàng kơnhoàl Dak Mil đơs: “Broă dong gàr nàng gàr tơl niam rài kis cau ling in là kuơ màng ngan. Tàm bơta trồ tiah duh rơ ồ, mìu càl, mhual bơryuh, mơya Đảng uỷ, mpồl đơng lam ling klàng kơnhoàl Dak Mil neh đơng lam krà` cê broă tơnguh lơh sa, lơh bè lơi nàng kuang bàng, cau ling bơh mpồl ling dê geh gàr niam rlau jơh bè phan sa.”

Đại đội Bộ binh 1, ờ mìng là mpồl pơlam tàp jak, mờ gam gơ gơs là mpồl ling geh srơh tơnguh broă lơh sa niam, gàr tơl niam phan sa cau ling in tàm broă lơh, bơsram sră mờ pơlam tàp. Brồ guh bơngă, kơnòl ơruh pơnu dê, lơh ngan lơh jơh niam tơl kơnòl geh jàu, pơgồp bơnah sơlơ tơnguh rlau tai bơhìan cau ling wa Hồ.

           Cau cih mờ yal tơnggit K’Duẩn