VOV4.K’ho-Kờn tơrmù jơnau koh kơl aniai brê mờ pơndiang pơrdu\ dơm chi brê tìs mờ adat boh lam, ală broă lơh tìs rơndăp tăp sèng ờdo ờdă gùng lòt kung bè sền gàr niam bơta lơngăp lơngai tàm tiah do, kơnhoàl Cư\ Mgar, càr Daklak neh bơcri 230 tơlak priă crăp ală măy camera gròi sền tàm bàr pe gơl gùng. Tơnơ\ dùl nam lơh broă, ală măy do neh pơgồp bơnah uă ngan tàm broă tơrmù rlau 80% khà dơ\ lơh tìs kơrnoat boh lam, pơgồp bơnah uă ngan tàm broă lơh sền gàr niam bơta lơngăp lơngai rơndăp tăp sèng ờdo ờdă gùt mpồl bơtiàn tàm tiah do.

Ồng Lê Văn Dũng, kis tàm [òn 2, xã Ea Kiết, kơnhoàl Cư\ Mgar, càr Daklak pà gi\t: lài do, tiah do là tiah geh uă ngan broă pơndiang pơrdu\ dơm chi brê tìs mờ adat boh lam. Bal mờ hơ\ là jơnau ơruh pơnu kơnòm pa dờng tàm tiah do tàm tơrgùm să tàm pơrlòng rơndeh, pờ ga dờng nggồr nggàc ngan, ntoăt rơndeh mhar khat gơboh gơlềng gơlàng ngan. Tơnơ\ tu\ kơnhoàl crăp ơn ală măy camera sền gàr lơngăp lơngai, gròi sền is tàm bàr pe gơl gùng lòt tàm [òn, jơnau do neh gơmù uă ngan. Làng bol tàm [òn kung bi\c lơhă, sa bơkah sơl, ờ gam tai pal kơlôi rơcang ngòt roh bơta lơngăp lơngai bè lài do tai. Ồng Lê Văn Dũng, pà gi\t:

“Tu\ ờ hềt crăp măy, ơruh pơnu sùm tàm ntoăt pơrlòng rơndeh, hơ\ sồng bol koh kơl aniai brê pơndiang dơm chi brê ngai kung bè mang sơl, lài do [òn sùm là tiah geh uă ngan jơnau ờ niam do bơh kơnhoàl dê. Bồ nam 2016, kơnhoàl tus crăp ơn măy camera den jơnau ntoăt pơrlòng rơndeh ờ gam tai; bol koh kơl aniai brê pơndiang dơm chi brê, pơndiang jrong tiêu den kung gơmù uă ngan sơl. Bè broă kơnhoàl crăp ơn ală măy camera do den a` sền go\ geh cồng nha ngan pơndrờm mờ tơngai ờ hềt geh crăp ơn”.

Ồng Võ Văn Tụ, Kuang atbồ Hạt kiểm lâm kơnhoàl Cư\ Mgar, yal: 3 xã, tàm hơ\ geh: Ea Kiết, Ea Kuêh mờ Ea Mdroh là tiah ơm rềp bal mờ ală xã bơh 2 kơnhoàl: Buôn Đôn mờ Ea Súp là tiah geh uă ngan bè jơnau koh kơl aniai brê, pơndiang pơrdu\ dơm chi brê tìs mờ adat boh lam. Bơh tu\ geh ală măy camera crăp ơn gròi sền tàm ală xã do, bơh rùp hin, hạt kiểm lâm kơnhoàl Cư\ Mgar neh sền go\ geh gi\t nđờ jơ\t dơ\ lơh tìs adat boh lam, ku\p ai rlau 40 khối dơm chi. Ồng Võ Văn Tụ, pà gi\t:

“Tàm hạt kiểm lâm kơnhoàl Cư\ Mgar, kơnhoàl ai dùl nơm ti vi mờ dùl ổ cứng nàng dờp rùp hin bơh ală camera pơyua tus. Hạt kiểm lâm kơnhoàl ai 3 nă oh mi tàm ala gơ\p drơng gàr tơl nă cau pơgăp bàr pe jiơ ngai kung bè mang. Tu\ sền go\, go\ rùp hin lơh tìs den yal mờ oh mi kiểm lâm tàm tiah hơ\ in, pơgồp bal mờ gơnoar atbồ tàm tiah hơ\ lam lòt ku\p ală cau lơh tìs. Bơh tu\ crăp măy camera tus tu\ do den khà dơ\ lơh tìs gơmù uă ngan”.

Bơh nhai 3/2016 lài do, kơnhoàl Cư\ Mgar bơcri 230 tơlak priă nàng crăp ơn 20 nơm măy camera gròi sền tơrlòng lài tàm 10 xã mờ thị trấn. Ală măy do geh tàm tơrbo\ bal mờ 4 nơm ti vi dờng tàm 4 anih là: Huyện ủy kơnhoàl, Ủy ban Nhân dân kơnhoàl, Kuang àng mờ hạt kiểm lâm kơnhoàl nàng drơng ai broă lơh gròi sền in. Ồng Nguyễn Văn Minh, Phó chủ tịch Ủy ban Nhân dân kơnhoàl Cư\ Mgar pà gi\t: jat tàm ală măy do, gơnoar atbồ mờ gah lơh broă geh gơnoar gơlơh [ươn ngan tàm broă gròi sền bơta lơngăp lơngai rơndăp tăp sèng ờdo ờdă tàm tiah do. Kơnờm prăp wơl ală file rùp hin tàm tơngai jo\ jòng den tàng gah lơh broă geh gơnoar geh cơng tàng nàng ku\p gi\t nđờ jơ\t dơ\ tung kơ`au phan bơna, ku\p geh ală cau lơh tìs. Ồng Nguyễn Văn Minh, pà gi\t: tơngai tus, kơnhoàl geh pơn jat tai crăp ơn tai măy camera sền gàr bơta lơngăp lơngai tàm bàr pe xã, thị trấn gam wơl:

“Lài do, [òn 15 bơh xã Ea Kuêh dê là dùl tiah geh uă ngan mờr ndrờm bè ờ ndơ\p mpồn bè kă bro ma tuý, den tu\ do kơnờm geh măy camera gròi sền mờ tiah do neh ờ gam geh uă tai. Dơ\ 2, bơh ală măy camera ală tiah geh uă bơh Ea Súp, tus Ea Kiết, bơh Buôn Đôn tus Ea Mdroh den neh tơrmù geh broă bol koh kơl aniai brê bơcrì bơcrà pơndiang dơm chi brê tìs mờ adat boh lam. Mờ bơh măy camera kung lơh tus bơta lơngăp lơngai ờdo ờdă gùng lòt, ngan là jơnau tàm pơrlòng rơndeh, lòt khat gơboh gơlềng gơlàng tàm gùng gơmù uă ngan. Tàm nam 2017 do, kơnhoàl geh crăp ơn tai tàm ală xã gam wơl”.

 Pa do, Tổng công ty viễn thông ling klàng- Viettel neh pờ măy điện thoại at tê 4G tàm càr Daklak. Tàm dơ\ sơnđờm mu\t lơh broă do, kuang đơng lam bồ Tổng công ty viễn thông ling klàng-Viettel neh hơ dong kờl càr atbồ bơta lơngăp lơngai- rơndăp tăp sèng ờdo ờdă mpồl bơtiàn tàm tiah sar lơgar ngai bơh ală măy camera gròi sền bơh internet 4G. Mờ priă tă bơcri crăp ơn ờ uă ir, bal mờ jơnau hơ pơrgon dong kờl bơh Viettel dê, Daklak kờn pal gờn lơh uă broă do tàm jơh ală kơnhoàl, thị xã, [òn dờng gam wơl nàng tơnguh jơnhoa rlau tai broă lơh sền gàr niam bơta lơngăp lơngai rơndăp tăp sèng ờdo ờdă tàm tiah he dê.

Cau cih mờ yal tơngi\t- Lơ Mu K’ Yến