VOV4.K’ho - Sơr lèt rlau 40 nam bơt bơtàu, tam lơh mờ dờng pràn, kuang bàng, cau ling pôs ling sền gàr tiah nhàr dà lơgar Srêpôk sùm tam klac, bơsong kal ke, lơh jơh niam tơl kơnòl geh jàu. Sùm tàm ală nam pa do, pôs ling sền gàr tiah nhàr dà lơgar Srêpôk sùm là 1 tàm ală mpồl lam lài tàm srơh pơr lòng lơh ngan geh pha lin bơh Mpồl ling sền gàr tiah nhàr dà lơgar càr Daklak dê:

Pôs ling sền gàr tiah nhàr dà lơgar Srêpôk tàm ntum tiah nhàr dà lơgar Krông Na, kơnhoàl Buôn Đôn, càr Daklak geh kơnòl atbồ, sền gàr gùng nhàr lơgar jòng rlau 12 kơi sồ rềp mờ càr Muldulkiri, lơgar Campuchia. Do là gơl gùng nhàr lơgar neh lơh jơh broă tồt `jrong đah 2 lơgar, geh 1 `jrong tồt sồ 44 mờ 2 `jrong tồt sồ 45 kềng gah dà dờng Dắc Dam. Bơh nam 2011, geh bơta sền gròi bơcri priă bơh Gah sền gàr dà lơgar dê, pôs ling bơh mpồl dê geh bơcri lơh; anih ơm, sàu sa bơh kuang bàng, cau ling dê kloh niam ngan.

Kờ` mut lơh niam kơnòl geh jàu, mpồl Đảng, gah đơng lam bồ pôs ling sền gàr tiah nhàr dà lơgar Srêpôk sùm mblàng yal uă ală kơrnuat, jơnau sồr bơh kơnă hơđang dê, kuơ màng là sền gròi chồl pràn srơh pơr lòng lơh ngan geh pha lin. Ală tơngume bơh srơh pơr lòng dê geh pơgồp bal mờ ală dơ\ pơr lòng mut lơh niam ală kơnòl. Bè di tu\ gờm chờ pơrjum Đảng gùt lơgar, gờm chờ mờ gàr niam ờ do ờ dă tus dơ\ te\ khà kuang bàng Gơnoar ala mat dà lơgar mờ Kuang bàng Mpồl duh broă ala mat làng bol ală kơnă, Pôs ling sền gàr tiah nhàr dà lơgar Srêpôk neh lơh jơh niam ală kơnòl geh jàu. thượng tá Lê Hồng Lam, lơh broă gùng dră bal Pôs ling sền gàr tiah nhàr dà lơgar Srêpôk pà git: “ Kờ` mut lơh niam srơh pơr lòng lơh ngan geh pha lin, bơh bồ nam, bol he pal mut ngui kơrnuat tàm broă đơng lam bồ. Cau đơng lam bồ pal geh rơndap lơh broă mùl màl. Tơl gah, tơl broă lơh bol he pal lam lơh srơh, ai broă lơh mờ cồng nha bơh kuang bàng, cau ling dê nàng sền cồng nha srơh pơr lòng dê. Kuơ màng, bol he pal pơgồp bal đah srơh pơr lòng sùm, pơr lòng gah broă lơh ờs mờng mờ srơh pơr lòng mut lơh tơn.”

Kờ` mut lơh niam srơh pơr lòng lơh ngan geh pha lin, Pôs ling sền gàr tiah nhàr dà lơgar Srêpôk sùm sền gròi tus broă tơnguh broă bơto bơtê gùng dră bal, kơrnuat boh lam, pơlam tàp mờng chài ling klàng, broă lơh sền gàr tiah nhàr dà lơgar. Sền gàr kơ\ broă đơng lam bồ, ơm gak, rơcang lài tam lơh mờ sùm pơlam tàp ală rơndap broă sền gàr pôs đồng mờ bơsong ală bơta gơlik geh ni sơna tàm tiah nhàr dà lơgar. Mpồl neh bơyai lơh ringbal ală broă lơh mờng chài sền gàr tiah nhàr dà lơgar, gàr kơ\ gơnoar tờm ù tiah, ngap lơngai dà lơgar, ờ do ờ dă mpồl bơtìan tàm ntum tiah nhàr dà lơgar. Mơkung mut lơh niam broă cribơyai mờ lơgar ndai sền gàr tiah nhàr lơgar, bơt bơtàu tiah nhàr dà lơgar ngap lơngai lơh bơyô, tam klac mờ ală pôs ling bơh mpồl ling sền gàr tiah nhàr dà lơgar ndai dê. Thượng uý Hoàng Văn Tuân, atbồ mpồl ling phàu crong pôs ling sền gàr tiah nhàr dà lơgar Srêpôk pà git, srơh pơr lòng lơh ngan geh pha lin neh cèng wơl cồng nha ngan ngồn tàm broă mut lơh ală kơnòl ờs mờng: “ Tàm tơngai lài, mpồl sùm lòt sền, sền gàr gùng nhàr lơgar tàm tơl bơta gơlik geh, tơl bơta trồ tiah kờ` sền gàr ngap lơngai gùng dră bal, ờ do ờ dă tàm bòn lơgar mờ mpồl ling lơh broă, ngan là gùng nhàr, `jrong ttồt tiah nhàr lơgar.”

Bơto bơtê gùng dră bal, chồl pràn srơh pơr lòng lơh ngan geh pha lin, neh gơ rề bơta lơh ngan tus tơl nă kuang bàng, cau ling. Binh nhất Lê Xuân Thành, cau ling pôs ling sền gàr tiah nhàr lơgar Srêpôk đơs: “ A` pơn ìơ să ngan geh lòt sền gròi tiah nhàr lơgar nàng sền gàr tơl bă ù ndu gơn rơh dà lơgar dê, sền gàr ngap lơngai, khat gơboh is dà lơgar in mờ brồ guh bơhìan kờ` gơboh dà lơgar Việt Nam.”

Srơh pơr lòng lơh ngan geh pha lin tàm pôs ling sền gàr tiah nhàr dà lơgar Srêpôk gam geh ai go\ tàm broă pơgồp bal mờ mpồl đơng lam Đảng, gơnoar atbồ tàm [òn lơgar mờ ală mpồl bal, kờ` mblàng yal, lam sồr làng bol lơh jat niam gùng dà, broă lơh bơh Đảng, kơrnuat boh lam bơh dà lơgar dê. Kuang bàng, cau ling pôs ling sền gàr tiah nhàr dà lơgar Srêpôk neh mut lơh niam uă broă lơh dong làng bol bơtàu tơnguh lơh sa, lơh hìu ơm cau r[ah tiah nhàr dà lơgar in, bơyai lơh ơdu\ bơto sră làng bol [òn Drang Phok, ntum Krông Na; dờp dong kờl 2 nă kơnòm bơsram geh rài kis kal ke. Bơh ală broă lơh do, git gơp đah mpồl ling mờ mpồl Đảng, gơnoar atbồ tàm [òn lơgar, nùs nhơm tam klac bal đah ling klàng mờ làng bol ngai sơlơ kơ\ kơljap. Ồng Y Thông Khăm, kuang atbồ Anih duh broă làng bolntum Krông Na, kơnhoàl Buôn Đôn đơs: “ Tàm tơngai pa do, broă lơh pơgồp bal mờ [òn lơgar, kuang đơng lam bồ [òn lơgar kung đơs niam ngan. Jat a` mpồl ling sền gàr tiah nhàr dà lơgar pal brồ guh bơta tam klac mờ dong kờl làng bol tiah do uă rlau tai.”

Mờ ală cồng nha lơh geh, nam 2015, Pôs ling sền gàr tiah nhàr dà lơgar Srêpôk pơnjat tai là mpồl lam lài srơh pơr lòng lơh ngan geh pha lin. Nam 2016, pôs ling geh mpồl pơr lòng rơwah pà khà jờng mpồl pơr lòng lơh ngan geh pha lin.

               Cau cih mờ yal tơnggit K’ Duẩn.