VOV4.K’ho - 3 nam lài, Bộ Quốc phòng tơlik rơndap broă “ Sơlơ mblàng yal, bơto bơtê kơrnuat boh lam ai kuang bàng, làng bol tiah nhàr dà lơgar, bồt dà lềng tơngai bơh nam 2013 tus nam 2016”, kờ` dong làng bol tơnguh git wă, chài git kơrnuat boh lam, bal mờ ală mpồl lơh broă sền gàr ngap lơngai, ờ do ờ dă, bơtàu tơnguh lơh sa mpồl bơtìan tiah nhàr dà lơgar. Tàm càr Kontum, tơnơ\ 3 nam mut lơh, rơndap broă neh lơh geh ală cồng nha kuơ màng, pơgồp bơnah tơmù dimơ ală broă lơh tìs kơrnuat boh lam, gàr kơ\ ngap lơngai chính trị, ờ do ờ dă mpồl bơtìan tiah nhàr dà lơgar:

Càr Kontum ơm tàm tiah đah tô Tây Nguyên geh gùng nhàr lơgar jòng 280,7 kơi sồ rềp mờ lơgar Lào mờ lơgar Campuchia. Jat kềng gah gùng nhàr lơgar geh 101 [òn di 13 xã bơh 4 kơnhoàl mờ 21 jơi bơtiàn kòn cau oh mi ơm kis bal, tàm hơ\ làng bol kòn cau geh rlau 90%. Ală nam lài, tài broă lơh sa gam uă kal ke, git wă kơrnuat boh lam bơh làng bol dê ờ ringbal den tàng broă lơh tìs kơrnuat boh lam sùm gơlik geh, pơn rơ là bơta mut lik hờ lơgar ndai tìs mờ kơrnuat boh lam; bau mờ cau lơgar ndai; lah yă tam pìt tam phà ù tiah; koh kơl chi brê, tơnhàu phan kuơ tàm ù tìs mờ kơrnuat boh lam; bơto jơnau yàng tìs mờ kơrnuat boh lam; lơh tìs kơrnuat tiah nhàr dà lơgar…

Tơnơ\ mờ tu\ Bộ Quốc phòng geh rơndap broă “Sơlơ mblàng yal, bơto bơtê kơrnuat boh lam ai kuang bàng, làng bol tiah nhàr dà lơgar, bồt dà lềng tơngai bơh nam 2013 tus nam 2016”, càr Kontum neh crơng gơs mơ Mpồl đơng lam mut lơh ngan ngồn ală broă lơh mblàng yal, bơto bơtê kơrnuat boh lam tàm tiah nhàr dà lơgar. Ồng Lương Văn Huân, Phó kuang atbồ Ủy ban Nhân dân xã Đak Xú, kơnhoàl Ngọc Hồi, là tiah geh rlau 10 kơi sồ gùng nhàr rềp mờ lơgar Lào pà git: “ Bơh tu\ rơndap broă “Sơlơ mblàng yal, bơto bơtê kơrnuat boh lam ai kuang bàng, làng bol tiah nhàr dà lơgar, bồt dà lềng tơngai bơh nam 2013 tus nam 2016” geh mut lơh, tàm xã jơh ală mpồl, gah lơh broă pơgồp bal mờ pôs ling sền gàr tiah nhàr dà lơgar mờ geh bơta lơh broă bal bơh Đảng uỷ, gơnoar atbồ tàm [òn lơgar neh bơyai lơh mblàng yal kơrnuat boh lam tus làng bol in, ngan là bơta pơndiang, kă bro ờm phan bơna gan tiah nhàr dà lơgar neh geh mut lơh niam. Neh tơnguh git wă bơh làng bol dê, tus tu\ do, pơn drờm mờ gùl nam 2013 tus nam 2016, khà lơh tìs neh gơmù uă ngan.”

Tàm 3 nam mut lơh rơndap broă, mpồl đơng lam rơndap broă càr Kontum neh cih, lip 46 tơngume, sră phàt mblàng yal, tơngume ală kơrnuat boh lam pa geh gơ rềng tơn tus rài kis làng bol tiah nhàr dà lơgar dê. Nàng broă bơto bơtê, mblàng yal kơrnuat boh lam rềp mềl, [uơn git, [uơn kah tus mờ làng bol, gơnoar atbồ, mpồl bal mờ ală anih lơh broă geh gơnoar neh gehuă broă bơyai lơh niam ngan, li la ngan bè pơrjum bơto pơlam, pơr lòng jòi git kơrnuat boh lam; pơgồp bal tàm ală dơ\ pơrjum bơh anih lơh broă, mpồl lơh broă, [òn lơgar, chài cờ bồ poh; bơto bơtê tàm loa pờ tơlik jơnau đơs tàm [òn lơgar; cribơyai tơn, di tu\ bơsong ală kòl yan tàm làng bol… Là 1 tàm 3 xã tiah nhàr dà lơgar bơh kơnhoàl Đak Glei dê, lài do, Đak Nhoong neh geh tu\ là tiah gơlik geh uă broă tơnhàu phan kuơ tàm ù mờ dô gan tiah nhàr dà lơgar. Mơya kơnòm mut lơh niam broă lơh bơh mpồl pơlam kơrnuat boh lam, xã Đak Nhoong neh tơn jơh bơta do. Ồng A Nang, kuang atbồ Ủy ban Nhân dân xã Đak Nhoong pà git: “Bơh 3 nam mut lơh rơndap broă, tus tu\ do, broă lơh tìs dô gan tiah nhàr dà lơgar tàm xã ờ gam tai, bơta tơnhàu biàng, phan kuơ tàm ù tàm xã kung ờ gơlik geh tai. Do là broă lơh ngan bơh ròt mpồl lơh broă chính trị xã dê, ngan là mpồl dong kờl kơrnuat boh lam neh lơh broă niam ngan. Làng bol git wă uă rlau, lơh jat gùng dà broă lơh bơh Đảng, kơrnuat boh lam dà lơgar dê uă rlau.”

Bal mờ sơlơ mblàng yal, bơto bơtê kơrnuat boh lam ai kuang bàng tiah nhàr dà lơgar in, bơh broă cribơyai mờ lơgar ndai ling sền gàr tiah nhàr dà lơgar, cribơyai tàm làng bol, mpồl ling sền gàr tiah nhàr dà lơgar càr Kontum mờ gơnoar atbồ, mpồl bal ală tiah gam lơh ngan mblàng yal, bơto bơtê kơrnuat boh lam ai kuang bàng mờ làng bol lơgar rềp bal in. Thiếu tá Phạm Tiến Dũng, Chính trị viên pôs ling sền gàr mpồng nhàr lơgar dunia Bờ Y pà git: “Mpồl ling neh sùm lơh niam broă lơh cribơyai mờ lơgar ndai bè cribơyai jat tơngai pơrgon lài, ni sơna, bơyai lơh lòt sền 2 lơgar, kuơ màng bơh ală broă lơh bè dờp lơh oh mi mờ pôs đồng kuang àng mpồng nhàr lơgar Phu Cưa, lơgar Lào dê; đah [òn Iệc, xã Bờ Y mờ [òn Phu Cưa, lơgar Lào. Mpồl ling neh pơgồp tơngume mblàng yal, bơto bơtê kơrnuat boh lam ai kuang bàng, mpồl ling sền gàr tiah nhàr dà lơgar, làng bol lơgar rềp bal kờ` git kơrnuat tiah nhàr dà lơgar mờ ală jơnau ringbal mờ Chính phủ 2 lơgar neh ki\. Lơh jat kơrnuat boh lam lơgar Việt Nam dê tàm broă tus còp kung bè kă bro phan bơna.”

Nàng broă mblàng yal, bơto bơtê kơrnuat boh lam ai kuang bàng, làng bol tiah nhàr dà lơgar in bơtàu tơnguh, lơh geh cồng nha jo\ jòng, mpồl đơng lam rơndap broă càr Kontum lơh ngan rơcang lài pơlam, sền gròi, chul chồl, sền sơ wì di tu\ broă lơh bơh 10 mpồl pơlam kơrnuat boh lam, 163 mpồl bơyai tơr`a, 36 tùh sră kơrnuat boh lam, 17 mpồl mblàng yal chài rơgơi… Kơnờm bơh hơ\, git wă bè kơrnuat boh lam mờ git wă lơh jat kơrnuat boh lam bơh kuang bàng, làng bol tàm 101 [òn di 13 xã tiah nhàr dà lơgar bơh 4 kơnhoàl càr dê geh tơnguh niam. Thượng tá Nguyễn Bá Hưng, Phó Chủ nhiệm chính trị, mpồl ling sền gàr tiah nhàr dà lơgar càr Kontum pà git: “A` go\ là geh uă tam gơl niam ngan. Ală broă lơh tìs kơrnuat boh lam lài do tài git wă bè kơrnuat boh lam ờ uă tu\ do neh gơmù uă ngan. Mùl màl bè bơta bau gờ`, lơh jat adat gùng lòt ù gờl. Sền gàr phan geh is, tiah kis tàm tiah nhàr dà lơgar geh ală tam gơl niam mờ loh làng ngan. Làng bol neh tơnguh git wă kis mờ lơh broă jat sơnua boh lam mờ kơrnuat boh lam.”

                                                                          Cau cih mờ yal tơnggit K’Duẩn