VOV4.K’ho – Drim òr (02/7), tàm Hà Nội, Mpồl cau lơh broă sa dà lơgar Việt Nam pơgồp bal mờ Bộ Công thương bơyai lơh pơrjum “CPTPP: Tu\ [uơn mờ bơta lòng ai phan lơh gơs bơh suơn sre Việt Nam in”. Hiệp định lơh broă bal tơl làm mờ gơguh jak gùt Thái Bình Dương (CPTPP) geh 11 lơgar tus bal, mờ là drà kă bro dờng bal mờ khà kờp làng bol mờr 500 tơlak nă; kờp jơh priă lơh geh GDP nam 2018 là 11 rbô tơmàn dolar Mỹ.

CPTPP là Hiệp định kă bro khat gơboh rài pa geh đơs lài là geh gơ rềng tơl làm tus ală broă lơh sa - mpồl bơtiàn bơh lơgar Việt Nam dê. Tàm hơ\, đơs lài cèng wơl uă tu\ [uơn tàm gah lơh sa suơn sre mơya kung geh uă bơta lòng gơwèt mờ ală phan lơh gơs bơh suơn sre bè: bulah gơtùi mut tàm uă drà kă bro, mơya uă bơta phan geh bơta niam ờ hềt kơ\ kơljap; khà bơta kuơ tàm uă ngan phan lơh gơs bơh suơn sre gam lơyah, uă ngan là tài broă lơh gơlik, prap gàr, bơta niam kơldung ơn phan, mat phan kă bro… gam ờ hềt geh sền gròi. Tam klac tàm ròt bơta kuơ lơh geh bơh tac hờ lơgar ndai phan bơh suơn sre dê gam ờ hềt pràn; broă git jơnau kờ` drà kă bro, jòi git jơnau yal cau nac dê gam ờ hèt niam.

Cau mblàng K’Duẩn