VOV4.K’ho – Mho òr 10-6, tàm Hà Nội, mpồl cau lơh bau\ Việt Nam mờ cơldu\ kă bro mờ lơh sa mờ mai\ mok Việt Nam bơyai lơh cribơyai cau lơh sa kă bro mờ cau lơh bau\ mờ tơngume “ Tơnguh pràn jak tàm pơrlòng dà lơgar – Tam klac bal đah gah lơh bau\ mờ Mpồl lơh sa kă bro”. Đơs tàm dơ\ cribơyai, ồng Nguyễn Thiện Nhân kuang atbồ Anih duh broă gah tề lam gùng dră bal dà lơgar Việt Nam đơs niam bơngă cau lơh bau\ dê tàm broă lơh bơtàu tơnguh lơh sa dà lơgar dê đơs bal mờ broă lơh bơh mpồl lơh sa kă bro dê đơs is. Ồng Nguyễn Thiện Nhân sồr: Mpồl lơh sa kă bro sền dờng màng broă kơlôi sơnơng drà kă bro mờ kơlôi sơnơng jak chài, tam klac bal mpồl lơh sa kă bro mờ hìu bơsram nàng rơcang cau lơh broă, pơgồp bal broă lơh hìu bơsram mờ mpồl lơh sa kă bro nàng bơto bơtê broă lơh jat jơnau kờ`, Mpồl lơh sa kă bro sền gròi kơlôi sơnơng jak chài, tam gơl pa công nghệ mờ bơceh gơs phan bơna pa; mơkung bơsong anih kă bro tàm dà lơgar kờ` gơhòi bơcri priă bơh lơgar ndai.