VOV4.K’ho - Drim òr (09/9), tàm hìu lơh broă Bộ Quốc phòng neh geh lơh dơ\ cri bơyai tàm điện thoại bơh Đại tướng Ngô Xuân Lịch, Bộ trưởng Bộ Quốc phòng lơgar he mờ Phó Thủ tướng, Bộ trưởng Bộ Quốc phòng lơgar Campuchia ồng Samdach Pị-chây Sê-na Tia Banh.

Cri bơyai bè gùng dà broă lơh bal tàm tơngai tus, Bộ trưởng Bộ Quốc phòng 2 lơgar ring bal pơn jăt tai tơnguh uă cồng nha ală cơ chế lơh broă bal, tàm hơ\ uă ngan là cơ chế cri bơyai broă sền gàr dà lơgar cấp Thứ trưởng; pơn jăt tai kơlôi sơnơng chồl pràn mờ lơh gơs ală broă lơh bal; tơnguh broă pơgồp bal, lơh broă bal bơh ală mpồl atbồ mờ sền gàr tiah nhàr dà lơgar bơh bàr lơgar; pơn jăt tai chồl pràn ală broă sền gròi, sền gròi nền nòn tiah nhàr dà lơgar, mpồng nhàr dà lơgar, gùng ù, gùng pờ, kơrian nền nòn nàng ală broă l^k mu\t ờ di mờ adăt boh lam, pơgồp bal tàm broă kơrian kòp Covid-19 gơtòp tàm tơl lơgar.

Cau mblàng Ndong Brawl