VOV4.K’ho - Drim òr (18/11), Gah cri bơyai broa\ lơh bal mờ lơgar ndai dà lơgar neh lơh  bal mờ mpồl lơh broa\ bal mờ bơtàu tơngguh lơh sa OECD bơyai lơh cri tơr`a “Kơp kờ` lơh broa\ bal Việt Nam-OECD: Wèt tus gơguh lơh sa trơ gùm bal” tàm Hà Nội.

Ồng Vũ Quang Minh kuang dong broa\ atbồ gah, kuang at bồ đah lơh broa\ pơ gồp bal lơh sa, Gah cri bơyai broa\ lơh bal mờ lơgar ndai lơgar he mờ ồng Alessandro Goglio atbồ Đông Nam Á bơh OECD neh đơng lam bơyai lơh cri tơr`a. Đơs tàm dơ\ mut lơh, ồng Vũ Quang Minh đơs, tam klac lơh broa\ bal Việt Nam-OECD tơngai lài neh lơh geh ua\ cồng nha ngan tàm ua\ gah broa\ lơh. Việt Nam neh mut tàm anih tờm bơtàu tơngguh OECD nam 2008, tu\ do la lơgar geh jơng nhap nhar ngan tàm anih duh broa\ dong kờl bơtàu tơngguh OECD.Việt Nam neh lơh bal mờ OECD lơh gơs jơnau yal tơnggit sền wơl broa\ lơh  broa\ lơh sa, khoa học công nghệ mờ bơcri. Việt Nam kung nhap nhar ngan lơh jat broa\ lơh Đông Nam Á bơh OECD geh mut lơh bơh nam 2014. Ồng Vũ Quang Minh  đơs tờm, bơta pràn tam klac lơh broa\ bal bơh Việt Nam mờ OECD gam dờng ngan, ngan la tu\ bơtàu tơngguh mờ gơrờm bal dunia Việt Nam dê gam mut tàm tơngai pa. Việt Nam geh bơta kờ` chul chồl tam klac, tam pà bơta mờng, dong broa\ gùng dà broa\ lơh bơh OECD tàm ua\ ngan gah lơh broa\ nàng lơh geh ala\ broa\ lơh bơtàu tơngguh kơljap mờ trơ gùm jơh.

                                      Cau cih mờ yal tơnggit K’ Brọp