VOV4.K’ho – Di tơngkah 55 nam ngai crơng gơs git gơp lơh broă bal Việt Nam – Cuba ( 2/12/1960 – 2/12/2015), drim òr, 10/9, tàm Hà Nội, hìu bơsram dờng gùng dră bal dà lơgar Hồ Chí Minh pơgồp bal mờ Mpồl git gơp lơh bơyô Việt Nam – Cuba bơyai lơh cribơyai mờ tơngume “ 55 nam tam klac mờ lơh broă bal Việt Nam – Cuba”. Ồng Santiago Perez Castellano, kuang geh jơng Đảng cộng sản lơgar Cuba neh tus bal dơ\ cribơyai. Tàm 10 nam do, 2 gah neh sền gàr cribơyai kă bro mờ priă lơh geh kờp bal geh rlau 200 tơlak đôlar Mỹ tàm dùl nam. Việt Nam tac tus lơgar Cuba ală bơta phan bè phe, kơphe, mai\ tính, phan ngui tàm hìu nhă, àu mpha, kho\ zep, chah, mai\ mok, phan bơna… Ồng Vũ Trung Mỹ, lơh broă mpồl cribơyai mờ lơgar ndai Đảng dà lơgar he dê đơs loh, cồng nha bơh git gơp oh mi 55 nam do geh ai tơng go\ bơh broă Việt Nam neh lik bơh bơta ờ bơtàu tơnguh, mut tàm tơngai chồl pràn tam gơl pa dà lơgar. Việt Nam mờ Cuba neh mờ gam pơnjat tai bơtàu tơnguh git gơp gùng dră bal, mờng chài ngan ngồn mờ cribơyai, bơtàu tơnguh bơta pràn tài bơta bơtàu tơnguh kơ\ kơljap bơh tơl lơgar dê.

                                                                                                           Cau cih mờ yal tơnggit  K' Duẩn.