VOV4.K’ho- Drim ngai 15/12, Cribơyai Dà lềng ASEAN (AMF) dơ\ 10 neh bơyai lơh jăt broă lơh pờ tơlik tơn tàm internet bal mờ lơh pơrjum tơn, mờ bơta tus bal bơh ala măt ală lơgar ASEAN dê, ala măt Đại sứ quán ală lơgar ASEAN tàm Hà Nội, Mpồl cau gơnoar cih ASEAN, bal mờ ală Bộ, gah sơnah lơh broă geh gơrềng bơh lơgar Việt Nam dê.

Tàm gơnoar broă đơng lam mờ đơs sơnđờm mu\t Cribơyai, ồng Vũ Hồ, Kuang ătbồ Vụ ASEAN gơ wèt Bộ Ngoại giao Việt Nam mơkung là Kuang ătbồ mpồl Việt Nam đơs nền kờp bơh tu\ crơng gơs tàm nam 2010, Cribơyai Dà lềng ASEAN neh ngan ngồn gơ gơs là mpồl lơh broă geh kuơ ngan nàng bơyai lơh tìp măt tơm bơh bơr, tàm yal tơngi\t bal mờ pơgồp bal đah ală anih lơh broă tus bal lơh broă bal dà lềng, geh ală tă pơgồp kuơmàng ai lơh broă bal mờ lơngăp lơngai dà lềng kơnhoàl ù tiah do in. Pơrjum dơ\ do là tu\ nàng ală lơgar ASEAN bal mờ gơ\p kờp sền wơl ală cồng nha neh lơh geh, gi\t nền ală bơta gam gơkòl, kal ke mờ cribơyai ală gùng dà broă lơh bơsong, kung bè gùng dà lơh pràn rlau tai lơh broă bal dà lềng ASEAN tàm tơngai tus.

Cau mblàng Lơ Mu K’Yến