VOV4.K’ho- Drim ngai 16/3, tàm hìu duh broă Bộ Kuang àng dê, ồng Tô Lâm, Đại tướng, Bộ trưởng Bộ Kuang àng neh đơng lam dơ̆ bơyai lơh wă rò ngan ngồn Mpồl ala măt kuang bàng kấp dờng màng Mpồl duh broă sền gàr bơta lơngăp lơngai dà lơgar Nga. Tơnơ̆ dơ̆ bơyai lơh wă rò, ồng Tô Lâm Đại tướng, Bộ trưởng Bộ Kuang àng Việt Nam mờ Đại tướng ồng Patrushev Nikolai Platonovich bơyai lơh cribơyai. Tàm dơ̆ cribơyai, 2 gah tơngŏ nùs nhơm chờ hờp bè bơta bơtàu tơnguh gĭt gơ̆p lơh broă bal jŏ jòng tơl làm đah 2 lơgar ngai sơlơ geh lơh jăt ngan ngồn, geh cồng nha mờ geh kuơ ngan.

Ồng Tô Lâm, Đại tướng, Bộ trưởng Bộ Kuang àng Việt Nam sồr 2 gah pơn jăt tai lam lơh jăt geh cồng nha ală sră nggal neh kĭ hơ, ngan là Jơnau hơ pơrgon đah Chính phủ Việt Nam mờ Chính phủ dà lơgar Nga bè lơh broă bal tàm broă sền gàr lơngăp lơngai jơnau yal dunia mờ Broă rơndăp lơh lam lơh jăt ală broă lơh lơh broă bal đah Chính phủ Việt Nam mờ Nga tàm gah broă lơh sền gàr lơngăp lơngai jơnau yal tơngĭt dunia. Tơn jơh dơ̆ cribơyai, ồng Tô Lâm, Đại tướng, Bộ trưởng Bộ Kuang àng Việt Nam mờ ồng Patrushev Nikolai Platonovich Đại tướng, Cau gơnoar cih Mpồl duh broă Sền gàr bơta lơngăp lơngai dà lơgar Nga dê neh sền gŏ bal dơ̆ kĭ hơ Sră cih kah bè lơh broă bal đah Bộ Kuang àng Việt Nam mờ Ủy ban Lùp khàu dà lơgar Nga dê.

Cau mblàng Lơ Mu K’Yến