VOV4.K’ho – Kung gơ ơm tàm dơ\ lòt còp kơnă Dà lơgar tus lơgar Lo mờ lòt Cribơyai Kuang bàng dờng màng lơh broă bal dunia “Gùng gơlòm mờ gùng lòt”, drim òr 12/5 tàm càr lơgar Bắc Kinh, lơgar Lo dê, ồng Trần Đại Quang, Chủ tịch lơgar Việt Nam tus bal mờ đơs jơnau tàm Cribơyai lơh broă bal lơh sa, kă bro đah Việt Nam mờ Lo nam 2017. Tàm dơ\ cribơyai, ồng Trần Đại Quang đơs loh, tàm ală nam do, lơgar Lo sùm là cau lơh broă bal kă bro dờng ngan rlau jơh bơh Việt Nam dê mờ priă geh bơh kă bro phan tàm nam 2016 geh mờr 72 tơmàn dolar Mỹ. Mờ Việt Nam kung là gùng lòt mơkung là cau lơh broă bal kă bro dờng ngan rlau jơh bơh lơgar Lo dê tàm Asean. Ồng Trần Đại Quang đơs ngan là, Việt Nam jờng rơ mờ tu\ lơi kung jơh nùs lơh geh tơl ală bơta dong kờl niam ngan rlau jơh nàng ală mpồl lơh sa kă bro lơgar Lo dê in lơh broă bal, bơcri priă, kă bro geh cồng nha, kơ\ kơl jăp jo\ jòng gơ jat bal mờ bơta bơtàu tơnguh kơ\ kơl jăp jo\ jòng bơh lơgar Việt Nam dê. Jat tàm bơta pràn jak, jơnau kờn mờ bơta kuơ dờng jo\ jòng bơh lơgar Việt Nam mờ Lo dê, ồng Trần Đại Quang pin dờn bơta gi\t gơ\p lơh broă bal lơh sa đah bàr lơgar pơn jat tai bơtàu tơnguh niam bơne\ tàm tơngai tus.

Cau cih mờ yal tơngi\t-Lơ Mu K’ Yến