VOV4.K’ho- Tàm càr Daklak, Mpồl atbồ Rơndăp broă lơh Tam gơl lơh broă sa sươn sre kơ\ kơl jăp- VnSAT bơyai lơh Cribơyai mblàng yal bè broă lơh ai càn priă tam pa wơl kơphê.

Rơndăp broă lơh VnSAT bơh Ngân hàng Dunia- WB dong kờl priă jền, mờ kờp jơh priă tă lơh là pơgăp 301 tơlak dolar Mỹ, lơh bơh nam 2015- 2020 bal mờ 4 bơnah broă lời ai kòi phe mờ kơphê in. Bơnah broă kơphê geh lơh tàm 5 càr tàm tiah Tây Nguyên kờ` wèt tus bơta bơtàu tơnguh kơ\ kơl jăp ai 69 rbô lồ kơphê bơh 63 rbô hìu làng bol lơh broă sa dê in.

Tàm dơ\ cribơyai, ala mat ală ngân hàng yal mờ hơ ală jơnau lùp bơh ală mpồl cau lơh broă sa dê bè broă ai càn ală bơnah priă càn drơng lơh broă sa sươn sre, kuơmàng là bơnah priă càn tam pa wơl kơphê mờ ală sră nggal càn priă, broă geh ai priă càn…

Mờ đah ngân hàng kung sồr Mpồl atbồ rơndăp broă lơh VnSAT lơh geh tơl ală bơta niam dong kờl nàng ală ngân hàng dềt in geh ai ală cau càn priă là cau lơh broă, ala mat Hợp tác xã gơ wèt tiah Rơndăp broă lơh in nàng mu\t lơh jơnau hơ pơrgon càn priă jat jơnau kờ` bơh làng bol dê.

Cau cih mờ yal tơngi\t- Lơ Mu K’Yến