VOV4.K’ho - Ngai òr 11/03, cribơyai mpồl ASEAN mờ lơgar Ấn Độ dơ\ 7 neh geh mut lơh tàm hìu nac Oberoi, càr lơgar New Delhi lơgar Ấn Độ. Cribơyai mpồl ASEAN mờ lơgar Ấn Độ dơ\ 7 mờ tơngume “ ASEAN - Ấn Độ: Đal git broă cribơyai tơ nơ\ nam 2015” geh bơyai lơh tàm 2 ngai, ngai òr mờ ngai do, geh tam cah gơs uă dơ\ cribơyai jat mpồl. tàm ngai mut pơrjum, mpồl kuang ala mat ală lơgar Việt Nam, Campuchia, Lào, Myanmar mờ Thái Lan tơr gùm cribơyai tơngume “ Bơt bơtàu tam klac đah Ấn Độ mờ ASEAN” ai kuang ala mat ală lơgar Brunei, Indonesia, Malaysia, Philippines mờ Singapore cribơyai tơngume “ Rơndap broă tơ nơ\ do bè tam klac lơh broă bal Ấn Độ - ASEAN.” Cribơyai ASEAN - Ấn Độ nam do geh là tu\ tơngai niam nàng jơh ală lơgar geh jơng tàm mpồl lơh broă bal ASEAN - Ấn Độ cribơyai bal tơl đah bè bơta git gơp. Tàm 2 ngai lơh broă, ală kuang bàng gơnuar atbồ lơgar, kuang ala mat mpồl lơh sa kă bro mờ ală kuang ala mat geh cribơyai bal jơnau đơs, jòi  broă niam rlau nàng sơ lơ tơnguh git gơp tam klac bal ASEAN - Ấn Độ.