VOV4.K’ho – Bơh ngai 25 tus ngai 27/8, tàm [òn dờng Đại Liên, càr Liêu Ninh, lơgar Lo, geh bơyai lơh dar cribơyai dơ\ 5, mpồl lơh broă bơyai bè tam klac bơtàu tơnguh bal tàm dà lềng đah Lo mờ Việt Nam. Kuang atbồ mpồl lơh broă đah Việt Nam dê là ồng Nguyễn Anh Dũng, kuang jat jơng atbồ Anih duh broă tiah nhàr dà lơgar di Gah cribơyai broă mờ lơgar ndai dà lơgar. Kuang atbồ mpồl lơh broă đah lơgar Lo dê là ala mat bè bơta tiah nhàr lơgar mờ dà lềng, di Gah cribơyai broă mờ lơgar ndai lơgar Lo là ồng Chu Kiện. Tàm nùs nhơm song dơpă mờ ring niam, 2 gah neh yal mờ cribơyai nùs nhơm bal mờ gơp, jòi bơta pràn bè tam klac bơtàu tơnguh bal tàm dà lềng. 2 gah ringbal pơnjat tai kơnờm tàm git wă bal geh gơ rềng bal bơh Kuang đơng lam bồ dờng màng Việt Nam mờ Lo dê, lơh jat “ Jơnau ringbal bè ală kơrnuat kuơ màng đơng lam bơsong bơta tàm dà lềng đah Việt Nam mờ Lo” ki\ nam 2011 nàng cribơyai bè bơta tam klac bơtàu tơnguh bal tàm dà lềng, dipal mờ jơnau cih bơh adat boh lam dunia dê, tàm hơ\ geh Jơnau pơr gon bơh Anih duh broă dunia dê bè Adat dà lềng nam 1982.

                                                                                                      Cau mblàng K' Duẩn.