VOV4.K’ho – Tàm tơngume tus còp lơgar he, drim òr 7/9, tàm Hà Nội, kuang atbồ lơgar Ai Cập ồng Abdel Fattah El-sisi mờ Phó Thủ tướng, Bộ trưởng Bộ Ngoại giao Phạm Bình Minh tus bal mờ đơng lam bal cribơyai mpồl lơh sa kă bro Việt Nam – Ai Cập. Đơs tàm dơ\ mut lơh cribơyai, Phó Thủ tướng Phạm Bình Minh đơs tờm, cribơyai mpồl lơh sa kă bro Việt Nam – Ai Cập geh pơrya kuơ màng ngan ai mpồl lơh sa kă bro 2 lơgar in sơlơ tơnguh rlau tai git gơp tam klac kă bro.

Jat mờ hơ\, ală mpồl lơh sa kă bro gơtùi ngui bơta pràn mờ bơ tơl ală bơta pràn bơh ală mpồl lơh sa kă bro 2 lơgar dê nàng bơtàu tơnguh broă lơh sa kă bro, tam klac kă bro. Phó Thủ tướng Phạm Bình Minh đơs tờm, Việt Nam geh ai bơta niam ngan rlau jơh nàng dong kờl ală mpồl lơh sa kă bro tam klac kă bro, lơh ngan lơh geh priă bơh kă bro đah 2 lơgar geh 1 tơmàn đôlar Mỹ bè jơnau kờ` mờ kuang đơng lam bồ 2 lơgar ai tơlik.