VOV4.K’ho - Anih duh broa\ làng bol càr Lâm Đồng pa geh sra\ nggal geh dờp broa\ lơh lòt sền, lơh gơs rơndap broa\ tiah geh gơnoar krơi is Công viên sền gàr phan kis tàm brê Tây Nguyên tàm brê dà lơgar Bidoup-Núi Bà. Jat ồng Lê Văn Hương at bồ brê dà lơgar Bidoup-Núi Bà ai git Công viên sền gàr phan kis tàm brê Tây Nguyên geh lơh gơs tàm ntum Lát, kơnhoàl Lạc Dương mờ ba\ ù ơnàng 490 lồ, tàm  hơ\ ba\ ù geh lơh la 49 lồ. Kờp jơh khà pria\ bơcri lơh di 1 rbô tơmàn pria\, tàm hơ\ pria\ dà lơgar la 350 tơmàn pria\, gam wơl den  brê dà lơgar geh lơh bal mờ mpồl pơ gồp bal nhơl chờ Lâm Đồng hòi jà ala\ mpồl lơh sa ka\ bro lơh broa\ bal bơcri. Tơnơ\ geh mut lơh broa\, công viên sền gàr phan kis brê Tây Nguyên la anih ròng, sền gàr ala\ phan kis kuơ ờ hoan geh  jat mờ gùl la phan  brê mờ gùl neh ròng nàng phan kis geh kis rềp mềr mờ  brê mơya kung geh bơta sền gròi bơh kòn bơnus.

          Cau cih mờ yal tơnggit K’ Brọp