VOV4.K’ho – Mho 30/11, Cùh tìk Quốc hội Nguyễn Thị Kim Ngân neh tìp mat cribơyai mờ Tổng thống Venezuela ồng Nicolas Maduro tàm càr lơgar La Habana, lơgar Cuba. 2 nă kuang ringbal, tàm tơngai tus, 2 gah mut lơh jat ală jơnau ringbal, jơnau pơrgon đah kuang đơng lam bồ dờng màng 2 lơgar, kuơ màng là tàm ală gah tam klac lơh sa suơn sre mờ năng lượng – nhơm zờu; kơlôi sơnơng ală broă lơh halà cơ chế pơn rơ is kờ` tơnguh priă lơh geh bơh kă bro đah 2 lơgar. Mò Nguyễn Thị Kim Ngân đơs tờm, Việt Nam kờ` Cing phùh di mờ sơnua boh lam tàm Venezuela mờ sền dờng màng bơtàu tơnguh git gơp tam klac bal uă gah đah 2 lơgar; pin dờn làng bol Venezuela geh sơr lèt gan ală kal ke, bơta lòng tềng đap mat, bơt bơtàu dà lơgar ngai sơlơ bơtàu tơnguh mờ pas sơm.

              Cau cih mờ yal tơnggit K’Duẩn