VOV4.K’ho – Bác Hồ jơnau đơs kuơ màng mờ rềp mềr sùm gơ ơm tàm nùs nhơm, tàm tồr bơh cau Việt Nam đơs bal mờ làng bol ală kòn cau Tây Nguyên đơs is. Ồng là jơnau pơnrơ niam ngan bơh bơta pin dờn, bơh nùs nhơm kac màng, mờ là bơta tờm ngan chul chồl uă cau bơceh jơnau đơs crih bơceh geh ală jơnau đơs crih niam ngan bè Bác Hồ. Dùl tàm khà hơ\ là cau bơceh jơnau đơs crih Mạnh Trí, mờ jơnau đơs crih “ Dà kơlhề Bác Hồ tus mờ làng bol Tây Nguyên”, di tơngkah 125 nam ngai deh Bác Hồ, Hương Lý cau ai tơngit jơnau đơs Việt Nam tàm Tây Nguyên neh geh tìp Mạnh Trí. Pơgru bơto thanh nhạc mờ tamya Hìu bơsram cao đẳng văn hóa nghệ thuật Dak Lak, nàng geh iat ală bơta ngoh rngac ồng dê tu\ bơceh gơs jơnau đơs crih do:

Tàm Tây Nguyên, cau bơceh jơnau đơs crih Mạnh Trí là cau geh uă jơnau đơs pơnđik geh pơnrơ ngan bè: Jơnau đơs crih đang bơnơm, Kơp oh mù bơh bơnơm, Brê bơnơm đơs jơnau đơs crih, sap đơs crih Cao Nguyên. Mơya jơnau đơs crih mờ ồng pơn ìơ să ngan rlau jơh là “ Dà kơl hề Bác Hồ dê tus mờ làng bol Tây Nguyên”. Ồng Mạnh Trí yal, jơnau kơlôi bè dùl jơnau đơs crih bè Bác Hồ geh ồng sơnơng bơh jo\, mơya pal tus nam 1990, tu\ bal mờ mpồl ơruh pơnu càr Dak Lak rơcang tus bal pơrlòng “ Sap đơs crih cau kơnòm să rơnàng Bác Hồ” geh bơyai lơh tàm [òn dờng Hồ Chí Minh, ală jơnau kơp kờ` hơ\ hơ\sồng geh mut lơh, mờ jơnau đơs crih “ Dà kơl hề Bác Hồ dê tus mờ làng bol Tây Nguyên” neh geh cih mìng tàm dùl mang: “ Bơta sơnơng a` dê tu\ hơ\ là he tus bơh càr Dak Lak den he pal đơs jơnau đơs crih bè lơi, bè jơnau đơs crih kòn cau, ờ di là gơlơh ndrờm bal, den hơ\sồng a` ai sap ntas dròng cing bơh ơruh pơnu tàm ală [òn dê. Ơruh pơnu Tây Nguyên dròng cing duh hồl ngan, mờ cau Tây Nguyên den ờ hềt geh tu\ lơi tìp mat Bác Hồ, mơya khi sùm kah bè jơnau tơngkah Bác Hồ dê mờ ală broă lơh mờ Bác Hồ neh lơh jơi bơtiàn in, tus mờ broă lơh tơngklàs, den khi đơs crih mờ sap ntas dròng cing mồng ơruh pơnu khu dê. Khi sùm kah ưn ngài Bác Hồ là dùl nă kuang đơng lam bồ dà lơgar, dùl nă cau bèp jơi bơtiàn dê. A` kung cih jat sap đơs crih duh hồl ngan.”

Là dùl nă cau Tây Nguyên, geh dờng tơnơ\ ngai tơngklàs, bulah ờ hềt geh dùl dơ\ geh tìp mat Bác Hồ, mơya mờ nùs nhơm kờ` gơboh he dê tus mờ Bác Hồ, ồng Mạnh Trí neh cih gơs ală jơnau đơs crih ngoh rơngac ngan.

Sơnơng bè jơnau đơs crih do, mò Linh Nga Niê Kdam, cau geh jơng tàm mpồl đơng lam mpồl đơs crih tamya bơhìan yau lơgar Việt Nam đơs là: Neh geh uă ngan jơnau đơs crih ràng tơlik nùs nhơm ơruh pơnu dê tus mờ Bác Hồ bè “ Cau kơnòm să rơnàng Bác Hồ bơh cau chài bơceh jơnau đơs crih Triều Dâng, Ơruh pơnu lơh jat jơnau bơto sồr Bác Hồ bơh cau chài bơceh jơnau đơs crih Hoàng Hà…mơya hơ\ là ală jơnau đơs crih bè nùs nhơm bal bơh jơh ală ơruh pơnu Việt Nam dê. Ai mờ ồng Mạnh Trí den khai ngui bơta pơnrơ is [òn lơgar tờm he dê là sap cing Knă, mờ gùng đơs crih chờ hờp bal mờ jơnau đơs crih bềng pơrya kuơ màng, nàng đơs tus nùs nhơm is ngan bơh ơruh pơnu Tây Nguyên dê tus mờ Bác Hồ. Mò Linh Nga Niê Kdam đơs: “ Bơta kuơ màng lài ngan là tàm gùng đơs crih bơh jơnau đơs pơnđik kòn cau Rơđê dê. Jơnau đơs crih balhiă ngan mơya di mờ nùs nhơm ơruh pơnu dê. Sap đơs crih neh duh hồl, gơhòi ngan cau iat, mờ jơnau kung balhiă ngan, den tàng bulah mìng là dùl jơnau đơs crih gùng dră bal tàm tơngai hơ\, mơya gơ geh bơta pràn kis jo\ tus tu\ do. Hơ\ là dùl bơta bơtuah ngan tus mờ cau lơh gùng đơs crih bal mờ cau kơnòm să, geh dùl jơnau đơs crih nàng tam klac.”

25 nam neh sơrlèt gan, mơya jơnau đơs crih “ Dà kơl hề Bác Hồ dê tus mờ làng bol Tây Nguyên” bơh cau chài bơceh jơnau đơs crih Mạnh Trí dê kung gam là dùl tàm ală jơnau đơs crih lời wơl nùs nhơm kir sơnrai pràn ngan mờ geh uă cau kơnòm să tàm Tây Nguyên git mờ đơs crih. Do kung là jơnau đơs crih geh mpồl ơruh pơnu càr Dak Lak rơwah là dùl tàm ală jơnau đơs crih bơhiàn yau tàm broă lơh he dê. Là dùl tàm ală cau uă nam rềp mềr mờ broă lơh mpồl ơruh pơnu, bi Nguyễn Ngọc Hoàng, kuang atbồ mpồl ơruh pơnu [òn dờng Buôn Ma Thuột đơs: “ Tàm ală dơ\ pơrjum ơruh pơnu dê den jơnau đơs crih do mờ sap đơs crih pràn ngan, rềp mềr ngan mờ rài kis làng bol Tây Nguyên dê, gơ neh đơs tus ală nùs nhơm is mờ pơgồp bơnah tơrbo\ kơ\ bơta git gơp mpồl bơtiàn mờ pơyua ală jơnau pơrya jơnau đơs crih dê. Mờ bơta kuơ màng tai là mờ sap đơs crih balhiă bè hơ\, gùng đơs crih duh hồl bè hơ\, gơya đơs bè nùs nhơm bơh làng bol Tây Nguyên dê tus mờ Bác Hồ den gơ sùm là jơnau đơs crih gơkờ` ngan geh ală bơyô kơnòm să đơs tàm ală dơ\ pơrjum mpồl.”

Jơnau đơs crih “ Dà kơl hề Bác Hồ dê tus mờ làng bol Tây Nguyên” ai tơng go\ nùs nhơm mờ cau bơceh jơnau đơs crih Mạnh Trí đơs is mờ cau kơnòm să Tây Nguyên đơs bal tu\ gam sền gàr nùs nhơm kờ` gơboh uă, nùs nhơm kah ưn ngài mờ sền ngềr uă ngan. Bè jơnau đơs crih, Bác Hồ tàm nùs nhơm làng bol Tây Nguyên, sùm sùm là rùp rài pơnrơ bơh bơta pin dờn, bơh bồ tơngoh kac màng, chul chồl cau kơnòm să brồ guh, wèt hờ ală bơta kuơ dờng màng, niam bơne\.

                                                                                                                                                      Cau mblàng K’ Duẩn.