VOV4.K’ho- Tơnơ\ tu\ geh ală anih lơh broă geh gơnoar càr Lâm Đồng mờ [òn dờng Dà Làc lơh ngan- jơh nùs tus bal kơryan, broă “ cau lơh kòn gùng” hoà jà năc blơi phan pơn rơ bơkah Dà Làc gơmù ing. Mơya, tàm tơngai pa do broă hoài jà năc lòt nhơl blơi phan pơn rơ bơkah den pơn jat tai gơlik geh, lơh roh bơta lơngap lơngai, ờ do ờ dă, lơh lơnga` lơngeh nac lòt nhơl tus mờ [òn dờng rơbô bơkào do.

Thung lũng tình yêu là dùl tàm ală tiah lòt sền ờ gơtùi ờ tus sền bơh uă nac lòt nhơl tu\ tus mờ Dà Làc.

         Tàm Thung lũng tình yêu uă “cau lơh kòn gùng” hoài jà blơi phan pơn rơ bơkah lơh lơnga` năc lòt nhơl 

Do kung là ù tiah lơh broă uă ngan bơh ală “cau lơh kòn gùng” hoài jà blơi phan pơn rơ bơkah. Sền go\ rơndeh dờng pơn diang năc, rơndeh ma\y bơh càr bơdìh, ală ơruh pơnu geh tus jat tơn, hòi jà, hoài jà. Dilah năc gam ờ hềt kờ` blơi, “cau lơh kòn gùng” geh ai sră bơh tàm suơn tam zơu nàng geh tai bơta pin dờn. Mờ ală broă hoài jà blơi phan pơn rơ bơkah zơu tây, mứt zơu mờ priă ờ uă halà lòt sền suơn zơu tây ờ sa priă, uă cau neh “yar dă” mờ pal kong mờ bơta gơ jra` nùs ngan. Bi Nguyễn Văn Tào, dùl nă năc lòt nhơl tus bơh Nghệ An pà g^t, lài mờ tu\ mut tàm Dà Làc, bi neh hòi điện thoại lùp gơ\p bơyô mờ sền tàm internet jòi g^t jơnau yal ală tiah tus sền.

                                              Cau lơh kòn gùng hoài jà năc lòt nhơl 

Mơya tu\ tus [òn dờng, lòt sền suơn zơu jat jơnau hòi jà bơh bàr pe nă cau, bi moat jrùm uă ngan.

Pa do lòt bơh gùng sơne\ 5 tus Thung lũng tình yêu, a` go\ bàr pe nă ơruh pơnu hoài jà mut tàm ală tiah lòt sền zơu tây halà blơi phan pơn rơ bơkah Dà Làc. A` kung mut sơl mơya gơ ờ di mờ jơnau đơs hoài jà lài hơ\, mut tàm suơn den suơn zơu ờ di mờ jơnau kơ\p kờ`. Mờ priă blơi ală phan pơn rơ bơkah den khi tăc mờ khà priă kas ngan. Dilah mờ he ờ blơi tàm hơ\ den khi pơ hìn do ne.

Ndrờm bè hơ\ sơl, tàm Suơn bơkào [òn dờng, bơnơm Dốc Đá gùng Phù Đổng Thiên Vương, gùng Nguyên Tử Lực, Mai Anh Đào uă năc lòt nhơl gơ lơh ờ niam nùs mờ gơtìp lơh lơnga` lơngeh tu\ ală “ cau lơh kòn gùng” hoài jà blơi phan pơn rơ bơkah sùm jat, hoài jà.

                               Tàm Suơn bơkào [òn dờng Dà Làc kung gơlik geh jơnau hoài jà năc 

 Geh tu\ geh năc neh gơtìp ală cau do lơh tu\ ờ blơi phan. Bulah neh geh anih lơh broă geh gơnoar [òn dờng Dà Làc lơh glài uă dơ\ bè broă ngui “cau lơh kòn gùng” hoài jà năc lòt nhơl mơya lơh tìs kung gam gơlik geh sơl.

Cau tờm ală anih geh broă lơh tìs đơs là dilah ờ ngui cau lơh kòn gùng hoài jà năc blơi den khi ờ gơ tui tẵc phan. Ồng Kiều Vũ Hải-cau tờm anih tăc mứt Thành Trung, tàm sơnah [òn 8, đơs:

Tàm do hìu geh 2 nă cau mơya uă anih ràng tăc gùt dar geh g^t nđờ jơ\t nă cau. He mờ ờ ai 1,2 nă cau lơh kòn gùng ơm rềp do den he ờ geh năc mờ ờ geh priă.

                  Dùl nă cau gam tus rềp mờ rơndeh pơn diang năc lòt nhơl nàng hòi jà

Jat jơnau kờp sền bơh Kuang àng [òn dờng Dà Làc dê, kờp bơh nam 2018 tus tu\ do mpồl neh lơh glài 95 nă cau, 8 anih ngui “cau lơh kòn gùng” mờ khà priă rlau 220 tơlak mờ ku\p 95 nơm rơndeh ma\y. Tu\ do, [òn dờng Dà Làc gam geh 8 anih sùm ngui ală cau lơh kòn gùng nàng hoài jà năc lòt nhơl. Ală cau do uă ngan là bơh càr ndai tus.

Trung tá Phạm Văn Huấn-Phó Kuang atbồ, Mpồl Kảnh sát lơh sa- Kuang àng [òn dờng Dà Làc đơs là, khà priă lơh glài ală cau hoài jà năc lòt nhơl là bơh 1 tus 3 tơlak ờ hềt tơl krà` nàng pơhìn ală cau do. Tàm tu\ dùl nă cau hòi jà năc lòt nhơl mut blơi phan 10 tơlak priă den neh geh cau tờm anih rcang tăc phan pà priă cồng bơh 3 tus 4 tơlak.

Tu\ do [òn dờng Dà Làc kùng bè Kuang àng [òn dờng kung sồr lơh ngan – jơh nùs bè broă bơsong “cau lơh kòn gùng” cau mblàng jơnau ờ niam. Bol a` gam sơlơ ku\p mờ lơh glài mờ ală broă lơh hoài jà năc, tơnguh broă lòt sền ală anih ngui ală “cau lơh kòn gùng” do. Tơnơ\ tu\ bơsong jơh bol a` geh dan mờ UBND [òn dờng ku\p ai wơl sră lơh sa kă bro gơ wèt mờ ală anih do.

Nàng năc lòt nhơl in geh ală dơ\ rlô lơngap lơngai tàm [òn dờng bơkào, càr Lâm Đồng kung bè [òn dờng Dà Làc pal pơn jat tai lơh ngan- jơh nùs lơh glài ală anih lơh sa kă bro phan pơn rơ bơkah ngui “cau lơh kòn gùng” hoài jà năc lòt nhơl, lơh ờ niam muh mat rùp hin [òn dờng nhơl chờ dê.

Cau mblàng K’ Hạnh