VOV4.K’ho- Tơnơ\ dùl tu\ tơngai gơmù dùl êt, tơngai rềp ndo jơnau cau lơh kòn gùng nhơl chờ gam sơnđan là cò lơh ală broă drơng nhơl chờ tàm [òn dờng Dà Làc, càr Lâm Đồng dê geh uă wơl tai, lơh lơnga` ngan năc lòt nhơl in, gơrềng ờ niam tus bơta bơtàu tơnguh bơh gah nhơl chờ tiah do dê mờ lơh gơ jat bal uă jơnau gơlời wơl ờ niam tàm mpồl bơtiàn.

 Jơnau pal đơs ngan là, bulah anih lơh broă geh gơnoar càr Lâm Đồng neh lơh uă broă lơh nàng bơto tơngkah, kơryan mơya jơnau do kung gam ờ hềt gơ tam gơl uă sơl.

Tu\ do, tàm ù tiah [òn dờng Dà Làc geh gi\t nđờ jơ\t mpồl cau lơh broă lơh kòn gùng năc lòt nhơl in. Bơh drơng broă hìu `ô sa, hìu năc tus dì anih tăc biăp piang sa, hìu ơm rlô bè ờs, ală broă drơng nhơl chờ lơh rài bồ tơngoh, massage, karaoke…tàm tiah lơi kung geh lơm cau lơh kòn gùng tus nàng yal, hoài jà, pơrlồm pơn jồ năc lòt nhơl.

Tàm hơ\, uă ngan là jơnau lơh kòn gùng broă drơng lòt còp sền sươn zơu sa plai mờ ală hìu ràng tăc phan pơnrơ is Dà Làc dê, ờ mìng lơh broă khat gơboh, gơlềng gơlàng, lơh lơnga`, êt sơ ềl ngan năc lòt nhơl lơm gời ờ mờ gam lơh gơlik jơnau tàm pìt, tàm pơrlồm, rồn bơklơn năc lòt nhơl, lơh roh bơta lơngăp lơngai rơndăp tăp sèng tàm tiah do.

Jat bi Nguyễn Trọng Phát, là năc lòt nhơl bơh [òn dờng Hồ Chí Minh đơs, gơ wèt mờ dùl [òn dờng nhơl chờ tiơng pơnrơ bè Dà Làc mờ lời cau lơh kòn gùng lơh broă bơcrì bơcrà, khat gơboh, lơh pờng nàng rồn bơklơn, pơhìn, pơrlồm, pơn jồ năc lòt nhơl geh tu\ là lơh năc lòt nhơl tus sồt să tơn pal jun tus hờ hìu sơnơm nàng dong kờl…den là jơnau ờ gơtùi dờp ngan.

 Bi Nguyễn Trọng Phát, đơs bè do:

“Cau lơh kòn gùng pơrlồm năc lòt nhơl, khi đơs là dùl ki\ plai zơu pơgăp mìng bàr pe rbô đong lơm, mơya tu\ lòt tus tàm sươn den ai cau dê tus rlau dùl rhiang đong dùl ki\, khi pơrlồm mờ lơh pờng năc lòt nhơl là geh gơ.

 Broă do ngan ngồn là gơlơh lơnga` êt sơ ềl ngan năc lòt nhơl in, jơnau do sơnđan là lơh pơrlồm. Jat a` den pal kơryan jơh cau lơh kòn gùng pơrlồm cau do, mơkung lơh ai năc lòt nhơl in dùl tiah nàng cau in mu\t sền sươn zơu halà chi sa plai lơi hơ\ nàng năc lòt nhơl gơlơh iang nùs rlau”.

Ờ niam ngan rlau jơh là jơnau cau lơh kòn gùng pơrlồm mờ lơh pờng năc lòt nhơl gơlik geh tàm Dà Làc tàm tơngai rềp ndo ngan rlau jơh là tàm lồi nhai 5 pa do. Dùl nă ùr năc lòt nhơl bơh càr Đồng Nai neh gơtìp dùl nă cau lơh tus chơ\t yơh tơn tu\ dan jàu wơl phan đơs pơrlồm là phan pơnrơ is Dà Làc dê tài bơh gơtìp rồn bơklơn sồr pal blơi mờ khà priă kas ngan.

Broă do lơh gơlik jơnau ờ suk gơjra` ngan tàm làng bol tàm tiah do mờ tàm gùt lơgar mơya cau lơh pờng ùr năc lòt nhơl do mìng gơtìp lơh glài mờ priă lơm.

Jat mò Phùng Thi Vân, cau lơh broă tàm dùl Công ty nhơl chờ Hong Kong tàm Hà Nội, jơnau cau lơh kòn gùng drơng broă nhơl chờ neh lơh năc lòt nhơl lơnga` ngan, lời wơl jơnau kah ờ niam, gơrềng tus rùp să niam bơne\ bơh [òn dờng nhơl chờ Dà Làc dê, den tàng bè hơ\, kờn ngan pal geh ală broă lơh kràn nàng kơryan jơnau do.

Mò Phùng Thi Vân, pà gi\t:

“Tu\ pa tus tàm do den năc lòt nhơl neh gơlơh sền go\ ờ niam dùl êt lơi tơn, pa tus den neh gơtìp tơn cau hoài jà lòt tus hìu `ô sa do, hơ\ sồng bè do bè ne tai…Do là jơnau ờ niam ngan neh lơh gơlik bơta lơnga` êt sơ ềl ngan tus mờ ală cau lơh broă nhơl chờ kung bè năc lòt nhơl tu\ lòt tus tàm do.

 Jat a`, den gơnoar atbồ càr Lâm Đồng kờn pal lơh broă, pal geh ală broă lơh pràn den hơ\ sồng kơryan geh jơnau ờ niam do”.

Mò Nguyễn Thị Nguyên, Kuang atbồ Sở Văn hoá, thể thao mờ du lịch càr Lâm Đồng kung đơs là, jơnau cau lơh kòn gùng drơng broă nhơl chờ neh lơh ờ niam te\ rùp să muh mat Dà Làc, gơrềng ờ niam tus bơta bơtàu tơnguh bơh gah nhơl chờ tiah do dê.

Jơnau ờ niam do kờn pal geh kơryan jơh. Lài hơ\, gah nhơl chờ neh geh uă jơnau dan mờ Ủy ban Nhân dân càr Lâm Đồng kung neh geh sơl sră nggal sồr ală anih lơh broă geh gơrềng pơgồp bal kơryan jơh jơnau ờ niam do, lơh geh wơl bơta rơndăp tăp sèng lơngăp lơngai ờdo ờdă neh geh bơh lài bơh [òn dờng rềp mềl mờ mềr năc dê, lơh geh wơl jơnau kah wơl niam bơne\ ai nă lòt nhơl bơh tàm lơgar mờ bơh lơgar ndai in.

 Mò Nguyễn Thị Nguyên, pà gi\t:

“Tu\ do, càr neh geh sră nggal đơng lam loh làng ngan, [òn dờng Dà Làc kung neh geh broă lơh bơsong kràn cê ngan bơta do. Gơ wèt mờ gah nhơl chờ, tàm ală dơ\ pơrjum tàm jàu broă lơh ndrờm geh jơnau dan, gah kuang àng kung kung neh geh jơnau đơng lam sơl, bơyai lơh ală dơ\ jòi ku\p kơryan nàng lơh niam wơl mờ kơryan jơh jơnau ờ niam cau lơh kòn gùng năc lòt nhơl in.

Tài bơh tơngai tu\ do, gơ neh lơh gơlik wơl ală rùp să muh mat ờ niam, lơh gơlik wơl uă jơnau ờ niam ngan, aniai mờ gơrềng ờ niam tus bơta bơtàu tơnguh bơh gah nhơl chờ tiah do dê”.

Nàng lơh niam wơl mờ kơryan jơh jơnau ờ niam ngan cau lơh kòn gùng nhơl chờ lơh broă khat gơboh bơcrì bơcrà, lơh lơnga` năc lòt nhơl, bơh bồ nam tus tu\ do, Ủy ban Nhân dân càr Lâm Đồng neh geh uă sră nggal sồr ală mpồl lơh broă geh gơnoar geh broă uă nàng lơh. Mờ dơ\ sồr tàm tơngai rềp ndo ngan rlau jơh là tàm poh lài.

 Mơya, tài bơh ală broă lơh glài ờ hềt kràn, ờ tơl pràn pơhìn bơto tơngkah den tàng jơnau cau lơh kòn gùng drơng broă nhơl chờ tàm Dà Làc kung gam lơh broă khat gơboh bơcrì bơcrà ngan mờ lơh broă ờ ndơ\p mpồn, ờ hềt geh kơryan jơh!

Cau cih mờ yal tơngi\t- Lơ Mu K’ Yến