VOV4.K’ho- Dà Làc, càr Lâm Đồng dê là anih nhơl chờ ơm rlô să niam ngan rlau jơh bơh Việt Nam dê. Tàm ală ngai bồ nam pa, bơdìh mờ ală tiah, anih nhơl chờ lòt còp ờs mờng bơh yau mùl geh bơh Dà Làc dê, ală anih lơh broă sa sươn sre ngui kông nghệ cao tàm [òn dờng do gơ gơs wơl tai là anih tus gơ hòi gơ jà ngai sơlơ uă ngan năc lòt nhơl tus còp sền kờn gi\t.

Bơdìh mờ ală tiah lòt còp nhơl chờ mờng quèng bơh Dà Làc, càr Lâm Đồng dê bè nhjrùh da dà Prenn, nhjrùh dà Datanla, tơnau dà Than Thở, Thung lũng Tình Yêu, Dòr Mộng mơ, Sươn bơkàu [òn dờng, {òn Cù lần, Thung lũng Vàng, Gùng brong ù kơnềt….ală sươn tam bơkàu, biăp, zơu tây ngui kông nghệ cao bơh cau lơh broă sa Dà Làc dê gam gơ gơs là anih tus còp sền bơh uă ngan năc lòt nhơl dê tàm ală ngai bồ nam pa 2017 do.

Tus còp sền mờ tê tờm he dê pik sac rwah ală plai zơu tây dum pơrhê bơkah ngan tàm dùl anih nhơl chờ lơh broă sa sươn sre, bi Nguyễn Thị Lệ Hằng, năc lòt nhơl tus bơh [òn dờng Hà Nội, đơs bè do:

“A` neh lòt còp uă tiah, uă lơgar sơl mơya tu\ tus tàm do den gơlơh krơi ngan, sền go\ sươn bè do mờ gơ hòi gơ jà uă ngan năc lòt nhơl geh bal cau dờng mờ kơnòm dềt tus sền. Đơs ngan do là dùl broă lơh nhơl chờ pal đòm jat nàng kờn lơh uă tai ờ mìng tàm Lâm Đồng lơm gời ờ mờ gam pal geh lơh tàm làm gùt lơgar tai”.

Nàng lơh geh jơnau kờn lòt còp nhơl chờ lơh broă sa sươn sre bơh năc lòt nhơl mờ ală kông ti lơh broă gah nhơl chờ dê tàm ală ngai bồ nam pa nam do, Ủy ban Nhân dân [òn dờng Dà Làc neh lơh sră cih mat mờ dờp 25 anih sươn lơh broă sa sươn sre kông nghệ cao geh tơl ală bơta nàng lơh anih tus nhơl chờ lơh broă sa sươn sre pờ mpồng wa\ rò năc lòt nhơl. Mờ tàm tiah tờm [òn dờng dê tơn, gơnoar atbồ tiah do gam ai lơh tơn dùl sươn tam bơkàu tam giác mạch ơnàng rlau nggùl lồ nàng jơh tơl nă năc lòt nhơl in geh khat gơboh tus còp sền mờ cùp lời kir sơnrai ală pang rùp niam. Bi Nguyễn Văn Thông, năc lòt nhơl tus bơh càr Bình Thuận lòt nhơl Dà Làc tàm dơ\ lơh chờ ngai tàm gơboh do, pà gi\t:

“Oh tus Dà Làc do neh 3 dơ\. Oh mờ ală cau bơyô oh dê lòt nhơl tàm do mờ geh sền go\ dùl bơkàu pa bè do den là gơlơh kờn ngan. Kuơmàng là tàm tiah tờm [òn dờng dê bè do tơn, rềp ngan mờ anih mpồl bol oh dê ơm mờ geh dùl sươn bơkàu nàng jơh tơl nă cau in khat gơboh cùp rùp den jơh ală cau ndrờm gơlơh chờ hờp ngan”.

Mò Trần Thị Việt Hương, Kông ti nhơl chờ Viettravel pà gi\t, nhơl chờ lơh broă sa sươn sre là dùl gùng dà pa gam geh ală kông ti lơh broă gah nhơl chờ sền gròi uă ngan mờ gơ gơs là dùl tàm ală phan bơna nhơl chờ lơh gơkờn ngan cau ờ gơtùi ờ geh tàm broă bơ\t bơtàu mờ lam lòt nhơl ală dơ\ lòt nhơl tu\ tus mờ Dà Làc, Lâm Đồng. Den tàng bè hơ\, broă gơnoar atbồ tàm tiah do sền dờng màng bơtàu tơnguh nhơl chờ lơh broă sa sươn sre geh gơ gơs là broă lơh bơh sơn rờp dờng màng ngan pơ gồp bơnah chul chồl gah nhơl chờ tiah do bơtàu tơnguh sùm mờ kơ\ kơl jăp rlau. Mò Trần Thị Việt Hương, pà gi\t:

“Bơta sền go\ bơh a` dê là jơh ală anih tus còp ndrờm lơh gơkờn ngan cau, ndrờm là ală phan bơna pa gơ jat bal mờ lơh broă sa sươn sre. Mờ jơnau do geh lơh gơlik geh bơta pa, anih pa niam ngan ai gah nhơl chờ càr Lâm Đồng dê in tàm tơngai tus do”.

Jat kờp du\ bơh gah nhơl chờ càr Lâm Đồng dê, kờp bơh sa tềp bơhiàn tus tu\ do, ală anih nhơl chờ lơh broă sa sươn sre bơh [òn dờng Dà Làc dê neh gơ hòi gơ jà gi\t nđờ rbô nă năc lòt nhơl tus còp sền. Jơnau do pà go\, broă sền dờng màng mờ ai nhơl chờ lơh broă sa sươn sre nàng ngui lơh broă là dùl gùng dà niam ngan, pơgồp bơnah lơh tơnguh tai gah nhơl chờ- gah lơh sa kuơmàng bơh Dà Làc dê bơtàu tơnguh pràn rlau tai tàm tơngai tus!

Cau cih mờ yal tơngi\t- Lơ Mu K’ Yến