VOV4.K’ho- Mho ngai 5/2, Mpồl lơh broă bơh gah lơh sơnơm Đà Nẵng dê geh 8 nă kuang bàng, cau lơh sơnơm neh lòt gùng tus dong kờl ai càr Gia Lai in tơnguh tai broă lơh rơcăng sơndră kòp Covid-19. Ồng Nguyễn Tiên Hồng, bác sĩ, Phó Kuang ătbồ Sở Y tế [òn dờng Đà Nẵng, Kuang ătbồ Mpồl lơh broă pà gi\t, mpồl cau lơh broă ai lòt dơ\ do jăt jơnau sồr bơh Bộ Y tế dê mìng tơrgùm tàm broă jòi cau kòp Covid-19.

Do ndrờm là mpồl cau neh geh bơta mờng chài tàm broă jòi cau F1, F2 tàm dơ\ bơtờp kòp gơbàn tàm nhai 7 nam 2020 tàm [òn dờng Đà Nẵng. Tìp măt, pơndờm pơnđiang mờ tơngăc mpồl lơh broă lòt gùng lơh kơnòl broă, ồng Nguyễn Văn Quảng, Bí thư Thành ủy Đà Nẵng ngoh rơngăc ngan tu\ sơnam pa sa tềp tus, ală bác sĩ pal ơm ngài wơl mờ hìu bơnhă nàng lòt tus tiah geh kòp.

Jăt ồng Nguyễn Văn Quảng, ờ go\ di là nisơna mờ Mpồl đơng lam dà lơgar rwah Đà Nẵng lòt dong kờl ai càr Gia Lai in tam dră mờ kòp mờ do kung là bơta chờ hờp bơh ală cau lơh sơnơm dê.

Cau mblàng Lơ Mu K’Yến