VOV4.K’ho- Di 12 jiơ mang ngai 28/7, [òn dờng Đà Nẵng ngan ngồn broă ơm yah ngài mpồl bơtìan jat Chỉ thị sồ 16 bơh Thủ tướng Chính phủ dê tàm 6 quận mờ rlau 1 tơlak nă làng bol. Gơnoar atbồ [òn dờng Đà Nẵng lơh nền broă ơm yah ngài mpồl bơtìan tàm ală quận Hải Châu, Thanh Khê, Sơn Trà, Ngũ Hành Sơn, Cẩm Lệ, Liên Chiểu, bơh 12 jiơ mang do ngai 28/7; tàm tơngai là 15 ngai.

Hìu sơnơm C Đà Nẵng- dùl tàm 3 tiah ơm yah ngài mpồl bơtìan

Tơngume lơh jat Chỉ thị sồ 16 bơh Thủ tướng Chính phủ dê bè broă lơh jat ală gùng dà broă lơh sơr băc mhar rcang sơn dră kòp Covid-19. Mìng is tàm ù tiah kơnhoàl Hoà Vang lơh jat broă ơm yah ngài mpồl bơtìan mờ ală gùng dà broă lơh rcang sơn dră kòp Covid-19 jat Chỉ thị sồ 19 bơh Thủ tướng Chính phủ dê mờ Công văn sồ 4869 bơh Chủ tịch UBND [òn dờng dê bè broă jal mhar lam lơh ală gùng dà broă lơh rcang sơn dră kòp Covid-19.

Gơnoar atbồ [òn dờng sồr tơl nă làng bol ơm tàm hìu, mìng lik bơdìh tàm tu\ ngan ngồn geh broă kuơ màng bè blơi phan ngui sa, sơnơm tam ba, dong kờl sơm kòp kơn jơ\, lơh broă tàm hìu ma\y, anih lơh gơlik phan, anih lơh sa kă bro drơng broă ala, phan bơna kuơ màng kờ` pal geh ờ gơtìp til mpồng, ơm ing lơh broă mờ ală broă lơh jal mhar ndai; lơh jat niam broă ơm yah ngài uă ngan rlau jơh là 2 thơk tu\ tàm bơh bơr; ờ tơr gùm uă ir 2 nă cau tàm anih lơh broă dà lơgar, hìu bơsram, hìu sơnơm mờ tàm tiah mpồl bơtìan.

Cau mblàng K’ Hạnh