VOV4.K’ho- Mpồl lơh broă gah bơta lơngăp lơngai mờ lơh sơnơm ASEAN dê nam 2020 neh geh dơ\ lơh broă mờ Ủy ban Nhân dân [òn dờng Đà Nẵng tàm mho ngai 10/6 bè broă rơndăp lơh lam lơh broă lơh lơh sơnơm drơng Pơrjum kấp kuang bàng dờng màng ASEAN dơ\ 36 mờ ală pơrjum geh gơrềng bal.

Digơlan, Pơrjum dờng kấp kuang bàng dờng màng ASEAN 36 mờ Pơrjum dờng Ală nghị viện ală lơgar tiah đah jum măt tơngai lik châu Á- AIPA 41 geh bơyai lơh tàm [òn dờng Đà Nẵng tàm nhai 6 do. Mơya, tài bơh kòp Covid-19, Chính phủ ală lơgar kung gam cribơyai gùng dà bơyai lơh tàm [òn dờng Đà Nẵng bè neh rơndăp lơh halà bơyai lơh Pơrjum pờ tơlik tơn tàm internet.

Tàm tu\ ờ hềt geh kơrnoat ngan ngồn, Ủy ban Nhân dân [òn dờng Đà Nẵng kung gam lam lơh sơl broă lơh bơyai lơh, rcăng drơng pơrjum. Ủy ban Nhân dân [òn dờng Đà Nẵng neh lơh broă mờ 10 nă cau tờm hìu năc, resort rcăng ală bơta niam ngan rlau jơh nàng wa\ rò năc tus ơm bi\c tus bal pơrjum.

Tàm tơl hìu năc, resort geh 1 mpồl cau lơh sơnơm drơng lơh broă sùm ngai kung bè mang. Ală hìu sơnơm gơ wèt Sở Y tế [òn dờng Đà Nẵng, Hìu sơnơm Vinmec Đà Nẵng ai Mpồl lơh sơnơm lơh broă sùm, mpồl dong kờl kham sơm kòp làm bă tiah, rơndăp lài bơh 5 tus 10 nơm jơnờng piam kòp niam ngan, rcăng dờp mờ sơm kòp ai cau kòp in.

Cau mblàng Lơ Mu K’Yến