VOV4.K’ho - Chư Prông là kơnhoàl tiah nhàr dà lơgar bơh càr Gialai dê, là tiah geh gal làng bol kòn cau. Tam pà kơnòl gàr tơl niam rài kis mpồl bơtiàn mờ gơnoar atbồ tàm [òn lơgar, 2 mpồl lơh sa kă bro bơh Binh đoàn 15 dê là Kong ti Bình Dương mờ Trung đoàn 710 neh geh ală chính sách hòi jà cau lơh broă tàm ală [òn, mờ priă lơh geh kơ\ kơljap. Bal mờ hơ\, 2 mpồl sùm dong kờl kòi phe, dong lơh pa, lơh niam hìu ơm, dong làng bol gàr niam rài kis:

Lồi nam 2016, hìu ơm bơh bi ùr Kpă Luar, 1 hìu nhă r[ah tàm [òn Sơr, xã Ia Me, kơnhoàl Chư Prông gơtìp ồs sa jơh tơn. Git rài kis kal ke hìu nhă bi ùr dê, Kong ti Bình Dương neh dong kờl 60 tơlak priă nàng hìu nhă bi ùr Kpă Luar lơh hìu pa. Tơnơ\ mờr 1 nhai mut lơh, mờ bơta dong kờl bơh jơi nòi, làng bol tàm [òn lơgar, bal mờ gơnoar atbồ tàm [òn lơgar, hìu ơm geh lơh gơs mờ geh mut ngui. Hìu ơm cấp 4 ơnàng 33 thơk vuông, geh 1 cơldu\ nac, 2 cơldu\ bic. Chờ hờp tu\ geh ơm tàm hìu pa, bi ùr Kpă Luar đơs: “Hìu a` dê gơbàn ồs sa ngai 14/11, tơnơ\ hơ\ den hìu nhă a` ờ geh hìu ơm. Hìu nhă a` ưn ngài ngan Kong ti Bình Dương neh lơh hìu ơm hìu nhă a` in. Bol a` chờ hờp ngan, dan ưn ngài ngan. Hìu nhă a` geh lơh ngan lơh broă, bơtàu tơnguh lơh sa.”

Kung geh cau ling Kong ti Bình Dương dong kờl lơh hìu pa, mò Rơmah Lơnh, dùl hìu nhă r[ah tàm [òn Sơr, xã Ia Me, kơnhoàl Chư Prông pà git, uă nam do, mò kis tàm hìu ja, kơlik hìu lơh mờ đơr. Tus tu\ do, mò chờ hờp ngan tu\ hìu pa mờ cau ling dong kờl neh lơh jơh bơnàng hìu, gam lơh kơlik mờ hời rơ hời mòn gơs hìu. Hơ\ là bơta pơn dờm, bơta pơn jờng dờng ngan tus mờ mò tu\ neh kra. Mò Romah Lơnh đơs: “A` chờ hờp ngan, ưn ngài cau ling uă ngan tài neh dong a` lơh hìu pa. Bơh lài ơm hìu ing kal ke ngan, tu\ do neh mờr geh hìu pa, hìu nhă a` ờ huan kal ke tai, do là bơta chờ hờp dờng ngan hìu nhă dê.”

Ai gơwèt mờ mò Nông Thị Sìu, pơùr cau ling chơt màng Hoàng Văn Giang ơm tàm [òn Bắc Thái, xã Ia Lâu, kơnhoàl Chư Prông, ờ geh bơta lơi chờ hờp rlau tu\ geh ling klàng Trung đoàn 710, Binh đoàn 15 dong kờl lơh hìu pa. Tàm dơ\ mìu càl rbut gơlik geh gùl nhai 4 pa do, hìu mò dê gơtìp pồ rơkàng jơh tơn. Uă bă tàm hìu, kơlik gơtìp tơr đàng dờng ngan mờ pơhìn gơbàn tơrlah. Tàm tu\ hơ\, hìu do là anih ơm kis mìng dùl lơm bơh mò mờ 2 nă sau mò dê ndrờm gơtìp kòp Down, rài kis kal ke ngan. Tơnơ\ mờ ngai gơtìp càl rbut lơh aniai, cau ling Trung đoàn 710, Binh đoàn 15, Bộ Quốc phòng neh tus dong mò Sìu lơh kơ\ wơl hìu, tìm wơl sơlo. Bal mờ hơ\, Trung đoàn dong kờl 60 tơlak priă bal mờ rlau jơt nă kuang bàng, cau ling dong mò lơh hìu pa kơ\ rlau. Tus tu\ do, hìu ơm kơ\ neh lơh jơh. Ngoh rơngac tềng đap nùs nhơm mpồl ling lơh broă tàm [òn lơgar dê, mò Nông Thị Sìu pà git: “A` ngòt hìu gơbàn tơrlah den chơt 2 nă sau. A` ờ git đơs bơta lơi, a` ưn ngài ngan gơnoar atbồ, cau ling mờ ală sau dân quân neh dong a` lơh hìu pa.”

Thượng tá Bùi Lê Đoàn, atbồ Trung đoàn 710, Binh đoàn 15 pà git, mpồl ling mut lơh kơnòl lơh sa, sền gàr dà lơgar tàm ală xã tiah nhàr dà lơgar bơh kơnhoàl Chư Prông dê. Tàm do, rài kis làng bol dê gam uă ngan kal ke. Den tàng, dong làng bol đơs bal là kơnòl bơh mpồl ling dê; broă lam sồr kuang bàng, cau lơh broă tàm mpồl ling tă pơgồp priă, phan bơna, ngai lơh broă nàng dong làng bol lơh hìu neh gơ gơs srơh lơh broă sùm. Chư Prông kung là tiah sùm gơlik geh trồ tiah lơh aniai, càl rbut. Pah tu\ bè hơ\, mpồl ling sùm lơh ngan bal mờ gơnoar atbồ tàm [òn lơgar nàng dong làng bol bơsong jơnau gơ lời wơl, lơh wơl hìu. Thượng tá Bùi Lê Đoàn pà git: “Trồ tiah lơh aniai bè hơ\ den bol a` neh bal mờ ală kơnă gơnoar atbồ tàm [òn lơgar đal git là pal lơh niam mơ nàng làng bol in geh anih ơm kơljap. Mờ kung gàr niam rài kis làng bol tàm [òn lơgar in. Bơh hơ\ den hơ\sồng he gơtùi gàr niam ờ do ờ dă tàm [òn lơgar.”

Ồng Bùi Viết Hội, Bí thư Huyện uỷ, Chủ tịch Hội đồng nhân dân kơnhoàl Chư Prông pà git, nam 2017 do, kơnhoàl lơh ngan lơh pa 62 nơm hìu mờ lơh niam 58 nơm hìu ndai ai ală hìu nhă r[ah in di tơngkah 70 nam cau ling sồt să cau ling chơt màng. Bal mờ priă ai bơh kes priă, kơnhoàl gam lam sồr, hòi jà jơh mpồl lơh broă chính trị, tàm hơ\ geh mpồl lơh sa kă bro, ală mpồl lơh broă tàm kơnhoàl tus bal. Bơh hơ\, ală mpồl ling, ngan là ală mpồl lơh sa, sền gàr dà lơgar di Binh đoàn 15 neh tus bal jơh nùs ngan tàm broă dong kờl priă mờ ngai lơh broă. Bơh hơ\, jơnau kờ` kơnhoàl dê digơlan mhar lơh jơh. Ồng Bùi Viết Hội đơs tờm: “Bơta pơgồp bal đah cấp uỷ, mpồl đơng lam kong ti, mpồl ling tàm kơnhoàl kung bè Đảng uỷ, gah đơng lam Binh đoàn 15 pal đơs krà` cê, khi sền gròi ngan. Bơta pơgồp bal ring niam tàm git wă mờ lam mut lơh, den tàng dong làng bol tàm Chư Prông in đơs bal, ală hìu nhă geh sră dong kờl bơh dà lơgar, hìu nhă geh rài kis kal ke gơtùi bơsong kal ke bè hìu ơm.”

                                                                       Cau cih mờ yal tơnggit K’Duẩn