VOV4.K’ho - Ngai òr (15/4), đah chài rơgơi-mpồl bơtiàn mpồl duh broă ala măt làng bol càr Dak Nông geh ồng Vương Thái Lư kuang jăt jơng atbồ đah lơh broă do lam bồ neh tus sền gròi broă lơh jăt ală kơrnoăt mpồl duh broă ala măt làng bol càr Dak Nông dê tàm càr kơnhoàl Cư\ Ju\t mờ ală jơnau đơs, jơnau dan tơnơ\ mờ dơ\ sền gròi tơngai sơnrờp lơh broă tus tu\ do. Mpồl kuang bàng neh bơyai sền gròi broă lơh jăt ală kơrnoăt gơrềng bal tus mờ broă bơto bơtê mờ bơsram mờ gah lơh sơnơm tàm kơnhoàl Cư\ Ju\t. Bơh tàm broă sền gròi mùl màl tàm ờ uă hìu bơsram pà go\, broă lơh jăt broă lơh hìu jă brê, dà sàng kloh niam, lơh kơl jăp hìu bơsram mờ hìu ơm cau pơgru neh geh ờ uă cồng nha di pal, pơgồp bal niam tàm broă tơnguh niam khà bơto bơtê mờ bơsram tàm ală hìu bơsram. Đah chài rơgơi-mpồl bơtiàn mpồl duh broă ala măt làng bol càr Dak Nông neh dờp ală cồng nha kơnhoàl Cư\ Ju\t neh geh tàm broă lơh jăt ală kơrnoăt kung bè ală jơnau đơs, jơnau dan tơnơ\ mờ dơ\ sền gròi bơh mpồl duh broă ala măt làng bol càr Dak Nông dê; mờ tơrgùm ală jơnau đơs, ală kal ke kờ` sồr ală anih lơh broă geh gơnoar gơrềng bal bơsong, tơmù kal ke di tu\.

Cau mblàng Ndong Brawl