VOV4.K’ho - Mho òr (23/10), Đah lơh broa\ 2, Gah sền gàr dà lơgar bơyai lơh chờ tơngkah 70 nam ngai bơhìan lơh broa\ ndơp ndơl sền gàr dà lơgar Việt Nam (25/10), dờp geh gai lòng Quân công khà I mờ gai lòng Ít-Xạ-Lạ (Khat gơboh) khà I lơgar Lào dê mờ gai lòng Mô-Ha-Sê-Rây-Vút bơh lơgar Campuchia.

            Đơs tàm dơ\ lơh chờ, ồng Trương Tấn Sang kuang atbồ lơgar geh đơs tờm,  broa\ lơh ndơp ndơl bơh Gah sền gàr dà lơgar geh Đảng mờ Bác Hồ crơng gơs tàm ala\ ngai sơnrờp bơh gơnoar atbồ kac màng nàng drơng tus rài bơtàu tơngguh kac màng bơh Đảng, bơh jơi bơtìan. 70 nam do,  gah lơh broa\ ndơp ndơl Sền gàr dà lơgar Việt Nam neh dùl nùs lơh broa\ jat Đảng, đềt mềr mờ làng bol, sùm dờng pràn,  gơs dờng bal mờ bơta dờng pràn bơh ling klàng làng bol Việt Nam khin cha jak chài mờ rài bơtàu tơngguh dà lơgar, sùm lơh jak ngan tơl broa\ geh Đảng, Dà lơgar mờ ling klàng làng bol jàu, geh ta\ pơ gồp dờng ngan tàm rài tơng klàs jơi bơtìan, sền gàr dà lơgar, bơt bơtàu dà lơgar mờ lơh gơs broa\ lơh dunia kuơ màng, cih geh ala\ pang rài dà lơgar khin cha jak chài bơh gah lơh broa\ ndơp ndơl sền gàr dà lơgar Việt Nam.

                             Cau cih mờ yal tơnggit K’ Brọp.