VOV4.K’ho- Ờ hềt tu\ lơi geh khà kờp cau tờm brê tàm Tây Nguyên geh uă bè tu\ do: 55 công ty lâm nghiệp Dà lơgar, g^t nđờ rơhiang mpồl lơh sa kă bro cau dùl nă să lơh is bal mờ mpồl lơh sa kă bro cổ phần, uă ngan UBND xã, mpồl hìu mờ g^t nđờ jơ\t rơbô hìu làng bol.

Cau tờm brê gơguh uă, bă brê tơl nă cau atbồ gơmù, mơya cồng nha atbồ gam gơmù. Ală cau tờm brê do là cau lam lài bơh broă pồn bơta mùl màl bơh brê mờ ală khà kờp tìs mùl màl lơh ală broă gơrềng tus mờ brê bơnơm ờ gơtùi geh cồng nha niam.

Ală gơl tòm nho rơlao 10 nam neh gơtìp òt gam lời gời, ală hìu neh gơtìp srao, `hơ\t hòn gùt dar, hơ\ là bơta tam gơl mùl màl he gơtùi sền go\ tàm bơnah ù tiah bơh anih ròng mờ sền gàr kơnòm dềt koe\t kơl te Thiên Phước, xã Tân Thành, kơnhoàl Đức Trọng, càr Lâm Đồng dê.

                   Brê geh jào ai dùl rơndăp broă lơh tàm càr Dak Lak neh gơtìp mus kơl jơh

Tơnơ\ mờ 12 nam UBND càr Lâm Đồng jào brê ai hìu do in sền gàr. 107 lồ brê ndrờm geh chi brê tu\ hơ\ geh jào nàng lơh jăt rơndăp broă lơh anih ròng, tam brê mờ ròng siam kơnòm koe\t kơl tê, tu\ do mìng gam rơlao 60 lồ. Mơya, khà hoàc huơr ờ geh hìu ròng siam kơnòm koe\t kơl te Thiên Phước tơmu\t tàm jơnau yal pơyoa tus mờ mpồl sền gàr brê kơnhoàl Đức Trọng in. Tài hìu lơh broă do kung ờ sền gròi bơta mùl màl bơh brê. Cau lơh broă tàm bơnah ù tiah brê do ờ geh kơnòl sền gròi mờ yal:

-A` tus tàm do mìng là sền gàr hìu 2, 3 ngai mơ, broă lơh kung mìng bè hơ\ lơm. Broă do ală bi lơh broă mờ ală anih lơh broă, gah lơh broă, să tòm a` mìng lơh broă sền gàr hìu đam den tàng ờ gơrềng bơta lơi mờ ờ g^t bơta lơi.

Ală cau tờm brê tàm 750 rơndăp broă lơh mờ ală càr Tây Nguyên ai ơpah, geh ờ uă ngan tu\ yal bơta mùl màl gơtìp aniai, lơh gơbàn tus mờ ală khà yal gời geh prăp sùm bơh nam do tus nam tơnơ\.

                       Dùl rơndăp broă jào brê tàm càr Dak Nông kung gơtìp mus kơl jơh sơl

Ồng Nguyễn Như Hoàng, kuang atbồ mpồl sền gàr brê kơnhoàl Ea Súp, càr Dak Lak, do là tiah geh tơrgùm uă rơndăp broă lơh ai ơpah brê uă ngan tàm càr Dak Lak pà g^t: Ờ mìng ờ pràn bè broă lơh, ală mpồl lơh sa kă bro gam ờ pràn bè kơnòl:

-Mùl màl là jơh ală mpồl ờ lơh broă lơi, brê gơtìp mus kơl jơh. K^ nàng ală cau do tus tàm do lơh broă, ală cau do ờ lơh, lời gời, brê gơtìp mus kơl ờ g^t bè lơi, làng bol sơgràm jơh, tu\ do kơnòl gơwèt mờ cau lơi, cau lơi lơh broă do. A` go\ loh làng, geh bal kơnhoàl kung sền go\ ờ geh cồng nha mờ ndan lah lơh bè hơ\.

Bal mờ bơta pràn lơh broă ờ geh, kơnòl kung ờ pràn bơh cau tờm brê, mùl màl pà go\ gơnoar atbồ ală cấp geh gơrềng bal nền nòn tus mờ broă yal bè brê sùm krơi is mờ mùl màl.

Brê bồ tô dà tàm xã Sró, kơnhoàl Krông Chro, càr Gai Lai gơtìp mus kơl jơh, uă tòm chi dờng gơtìp kơl, nggu geh mpồl sền gàr brê xã cih nàng sền gròi bơh lồi nam 2019, mơya tàm jơnau yal bơh UBND xã Sró den ờ go\ geh ală khà bơta aniai lơi.

Pa do ngan, tơnơ\ mờ jơnau yal dơ\ 3 bè broă mus kơl brê tàm dùl tiah ndai xã Sró dê, ồng Huỳnh Ngọc Ẩn, Phó kuang atbồ UBND kơnhoàl hơ\ sồng g^t geh bơta ờ di tàm broă atbồ kơnhoàl dê:

-Geh uă dơ\ pơrjum, uă dơ\ lơh broă nàng chồl mhar broă lùp khào. Mơya tài geh uă bơta den tàng bol a` gam pal kơ\p. Broă lài do ờ hềt geh lơh niam wơl, broă pa neh gơtìp tơn tềng tiah lài do den loh làng là neh geh broă gơwèt mờ mpồl atbồ, sền gàr. Bol a` geh sền wơl broă do.

Mpồl lơh sa kă bro geh jào brê sơbì kơnòl sền gàr mờ yal hoàc huơr, gơnoar atbồ pleh lơh bè ờ g^t broă gơtìp sơgràm brê uă, là tơngu me tờm lơh geh aklă khà yal ờ di geh sùm tàm uă nam.

Mìng tus tàm tu\ khà gơtìp hoàc huơr mùl màl tơrgùm uă ngan, hơ\ sồng jơnau yal ờ di den broă gơtìp neh gơtòp bloh. Mơya bơta tềl, cơng tàng bơh broă mus kơl brê ờ gam geh, den tàng ală càr geh uă jơnau nàng ràs bơr.

Bè tàm càr Dak Lak, mìng tus tàm tu\ pơrjum “Tơnguh broă atbồ sền gàr brê, bơsong kal ka, chồl pràn broă tơnguh bơtàu lơh sa mờ brê bơnơm ală càr Tây Nguyên”, geh bơyai lơh tàm nhai 6 lài do, UBND càr Dak Lak hơ\ sồng yal bè khà kờp geh 7 rơbô lồ brê hòn is tàm 3 kơnhoàl hờ đah măt tơngai l^k càr neh gơtìp roh mìng tàm 3 nam.

Ồng Y Giang Gry Niê Knơng, Phó kuang atbồ UBND càr Dak Lak đơs là, bơta tờm gơtìp roh brê tài rềs àr bơh trồ tiah lơh.

-Geh bơta do là tài mìu càl dờng sồ 12 nam 2017, jăt broă tơrgùm bol a` dê den bă brê gơmù uă ngan. Tàm hơ\ uă ngan là ală kơnhoàl bè Mdrăk, Ea Kar, Krông Bông là hoàc huơr rơlao 7 rơbô lồ, geh di pơgăp 68% khà bă brê hòn is gơmù tàm càr Dak Lak.

Pa do ngan, tàm pơrjum dơ\ 10, Quốc hội khoă 14 pà go\, broă ngui ală khà yal gời mờ ràs bơr, đơs ờ ngan tus mờ broă gơmù uă ngan bơh brê hòn is gam gơtìp tàm cấp dà lơgar. Yal tềng đăp mờ Quốc hội, Bộ trưởng Bộ Nông nghiệp-Phát triển nông thôn ồng Nguyễn Xuân Cường đơs, brê hòn is neh gơguh rơlao 1 tơlăk lồ tàm 30 nam do; bơta gơtìm bơh brê geh 46%.

Di gơlan, Bộ trưởng Bộ Nông nghiệp-Phát triển nông thôn neh hu^ là, tàm pơrjum “Tơnguh broă atbồ brê, bơsong kal ke, chồl pràn broă tơnguh bơtàu lơh sa mờ brê bơnơm ală càr Tây Nguyên”, mùl màl Tây Nguyên neh roh rơlao 1 tơlăk lồ brê hòn is tàm 30 nam do neh geh bộ trưởng mờ kuang bàng ală càr g^t, nàng go\ ală khà yal là ală khà gời.

Kờ` sền jơnau cih sơnrờp pờ tềng do: http://vov4.vov.vn/Kho/chuyen-muc/bre-tay-nguyen-tam-bota-kon-jo-pal-la-biang-c162-348591.aspx

Cau cih Công Bắc- Cau mblàng Ndong Brawl