VOV4.K’ho - Drim òr (11/01), ồng Sêng Phết Hùng Bun Nhuông, Đại sứ lơgar Lào tàm lơgar Việt Nam neh tus còp mờ lơh broă tàm càr Kon Tum.

                                Chủ tịch UBND tỉnh Kon Tum ồng Lê Ngọc Tuấn wă Đại sứ Lào tàm Việt Nam

Ồng Sêng Phết Hùng Bun Nhuông ưn ngài càr Kon Tum neh sền gròi, tam pà bal, ai tơl bơta niam nàng dờp, dong kờl ală kơnòm bơsram lơgar Lào geh bơsram sră mờ g^t wă bè broă lơh tàm càr do.

Mờ kơ\p kờ`, tàm tơngai tus, càr Kon Tum mờ ală càr đah jum lơgar Lào geh pơn jăt tai chồl pràn broă lơh bal, tam gơl bal, tam pà bal broă mờng chài tàm broă tơnguh bơtàu broă lơh sa suơn sre công nghệ cao, chồl pràn broă lơh sa geh tơnguh bơtàu bal.

Tàm dơ\ wă, ồng Lê Ngọc Tuấn, Chủ tịch UBND càr Kon Tum neh yal bè broă càr do neh pơgồp bal nền nòn, tơl ală bơta mờ ală càr đah jum lơgar Lào mờ neh lơh geh ală cồng nha geh pơnrơ ngan tàm broă bơ\t bơtàu, gàr kơl jăt bơta lơngăp lơngai tiah nhàr dà lơgar, tam dră mờ broă tiă gan gùng nhàr dà lơgar, rơcang sơndră bal mờ kòp Covid-19.

Cau mblàng Ndong Brawl