VOV4.K’ho - Drim òr (13/11), tàm [òn dờng Dà Làc, càr Lâm Đồng neh dờp pang sră rùp lơh Dinh III Bảo Đại geh ồng Nicolas Warnery - Đại sứ lơgar Tây tàm lơgar Việt Nam jào pà.

                     Đại sứ lơgar Tây tàm lơgar Việt Nam jào pà pang sră rùp lơh Dinh III Bảo Đại

Pang sră rùp lơh Dinh III geh sền là dùl bơta phan kuơ màng ngan ai [òn dờng Dà Làc in đơs is mờ càr Lâm Đồng đơs bal. Broă jào pà do geh pơn jăt tai lơh niam rơlao broă lơh bal bơh càr Lâm Đồng mờ Đại sứ lơgar Tây tàm lơgar Việt Nam mờ ală gah lơh broă lơgar Tây; pơgồp bal geh sùm broă prăp gàr mờ tơnguh ală bơta kuơ phan tềl kah yau chài rơgơi, tàm hơ\ uă ngan là phan tềl kah yau lơh hìu lơgar Tây dê tàm [òn dờng Dà Làc.

Jăt Đại sứ lơgar Tây tàm lơgar Việt Nam ồng Nicolas Warnery yal, pang sră rùp lơh Dinh III Bảo Đại jào càr Lâm Đồng in là pang sră neh lơh wơl, rùng lơh hìu, geh ồng Jacques Veysseyre, kòn klao bơh Kiến trúc sư ồng Paul Veysseyre bơh Đại sứ quán lơgar Tây tàm lơgar Việt Nam pơyoa pà.

Tu\ do pang sră tòm ngan gam tàm tơngai lơh niam wơl tàm lơgar Tây.

Cau mblàng Ndong Brawl