VOV4.K’ho – Đại sứ Việt Nam tàm lơgar Mỹ, ồng Phạm Quang Vinh pa geh ală dơ\ tìp mat mờ bàr pe nă Nghị sĩ Quốc hội Mỹ. Tàm ală dơ\ tìp mat mờ Thượng nghị sĩ John McCain mờ Hạ Nghị sĩ Stephanie Murphy, Đại sứ Phạm Quang Vinh neh yal bè bơta bơtàu tơnguh bơta gi\t gơ\p đah 2 lơgar tàm ală broă tàm tơngai lài, kung bè ală bơta dunia mờ tiah do mờ 2 gah ndrờm sền gròi bal. Đại sứ Phạm Quang Vinh kung đơs loh jơnau đơs bơh kuang đơng lam bồ lơgar Việt Nam dê kơ\p kờn bal mờ gơnoar atbồ mờ Quốc hội pa bơh lơgar Mỹ dê sơlơ tơnguh rlau tai bơta Gi\t gơ\p tam klac lơh broă bal tơl làm đah 2 lơgar, sơlơ lơh tai ală dơ\ lòt còp đah kuang bàng dờng màng mờ ală kơnă. Thượng Nghị sĩ John McCain đơs ngan là, sền dờng màng ngan bơta gi\t gơ\p mờ Việt Nam, geh pơn jat tai sơlơ tơnguh bơta gi\t gơ\p đah 2 lơgar bơtàu tơnguh pràn kơldang rlau tai bè ală broă, geh bal broă chính trị, lơh sa mờ bơsong jơnau gơlời wơl bơh rài tam lơh lơh aniai. Yal bè jơnau đơs bè pơn jat tai bơta gi\t gơ\p, Hạ Nghị sĩ Stephanie Murphy dùl nùs bal sơlơ tìp mat cribơyai broă bal đah 2 gah bè jơh ală broă kờn sơlơ lơh broă bal, kung bè gi\t wa\ bal, geh bal bè ală broă gam krơi is.

Cau cih mờ yal tơngi\t-Lơ Mu K’ Yến