VOV4.K’ho – Drim òr 18/02, di dơ\ sơnam pa Bính Thân 2016, mờ tơngkah Ngai Cau lơh sơnơm Việt Nam (27/02), Đại tướng Ngô Xuân Lịch kuang geh jơng tàm Mpồl lơh broă sùm Mpồl đơng lam Đảng ling klàng Dà lơgar mơkung là Kuang atbồ Mpồl lơh broă gùng dră bal- mpồl ling klàng làng bol Việt Nam lòt còp mờ pà phan Hìu sơnơm Việt Đức. Ala mat Mpồl đơng lam Đảng ling klàng Dà lơgar, Gah Sền gàr dà lơgar, Đại tướng Ngô Xuân Lịch chờ gờm ală kuang bàng, cau lơh sơ nơm bal mờ cau lơh broă bơh hìu sơnơm dê, jờng rơ broă lơh jak chài ngan bơh mpồl cau lơh sơ nơm dê, kuơmàng tàm broă bơkiar pròc klung tàm dơlam să jan. Đại tướng Ngô Xuân Lịch, đơs tờm: tàm jơnau kah yau bơtàu tơnguh, hìu sơ nơm Việt Đức sùm geh jơnau gi\t wa\ uă bè nùs nhơm cau lơh sơ nơm dê, bơto bơtê tai tàm broă lơh, sơr lèt gan kal ke nàng drơng broă kham sơm kòp ai cau kòp in ngai sơlơ niam rlau. Đại tướng Ngô Xuân Lịch geh nùs nhơm pin dờn, mờ bơta sền gròi bơh Đảng, Dà lơgar dê, Hìu sơ nơm Việt Đức ngan ngồn geh ală broă lơh bơtàu tơnguh tàm jơh ală bơta, gơ gơs là anih pơn rơ ngan tàm broă kham sơm kòp cau kòp in. Đại tướng Ngô Xuân Lịch kơ\p kờn, Hìu sơ nơm Việt Đức bal mờ ală hìu sơ nơm dờng tàm mờ bơdìh mpồl ling klàng geh sùm tàm yal tơngi\t bal bơta mờng chài, pơ gồp bal mờ dong kờl bal mờ gơ\p nàng bal mờ gơ\p jat thàn bơta bơtàu tơnguh bơh dunia dê.

Cau cih mờ yal tơngi\t- Lơ Mu K’ Yến