VOV4.K’ho – Mho òr 13/4, tàm Hà Nội, Đại tướng Phùng Quang Thanh kuang atbồ gah sền gàr dà lơgar wă ồng Honorio Azcueta kuang jat jơng atbồ gah sền gàr dà lơgar Philippin di tu\ tus còp mờ tus bal ]ribơyai rơndap broă kuơ màng sền gàr dà lơgar Việt Nam – Philippines dơ\ dùl. Đại tướng Phùng Quang Thanh đơs niam git gơp lơh bơyô bal đah 2 lơgar mờ đơs tờm, Philippines sùm là 1 tàm ală lơgar lơh broă bal kuơ màng Việt Nam dê tàm tiah do; ràng tơlik bơta chờ hờp tềng đăp broă kuang đơng lam bồ dờng màng 2 lơgar neh ringbal rơndap broă tơnguh git gơp 2 lơgar tus kơnă lơh broă bal kuơ màng, sền do là tu\ tơngai niam nàng ling klàng 2 lơgar chul chồl rề ơnàng lơh broă bal sền gàr dà lơgar. Đại tướng Phùng Quang Thanh ràng tơlik bơta chờ hờp mờ ]ồng nha ]ribơyai broă rơndap lơh kuơ màng sền gàr dà lơgar Việt Nam – Philippines dơ\ dùl geh bơyai lơh tàm Hà Nội; mơkung sồr, bơh ală tơngume tam klac neh geh đal git, 2 lơgar pal mut lơh mờ ală broă lơh ngan ngồn, gàr niam tu\ tơngai, lơh bơnàng jă nàng tam klac sền gàr dà lơgar đah Việt Nam mờ Philippines pơnjat tai bơtàu tơnguh, ngan ngồn geh ]ồng nha rlau.

                                                                                                                                           Cau mblàng K’ Duẩn.