VOV4.K’ho – Mho òr (27/5), tàm Hà Nội, Đại tướng Phùng Quang Thanh kuang atbồ gah sền gàr dà lơgar neh wă ồng John Mc Cain kuang bàng Gơnoar ala mat dà lơgar Mỹ, di tu\ gam còp mờ lơh broă tàm lơgar he.

Đại tướng Phùng Quang Thanh kuang atbồ gah sền gàr dà lơgar wă ồng John Mc Cain, kuang bàng Gơnoar ala măt dà lơgar Mỹ

                 Đại tướng Phùng Quang Thanh đơs là, dơ\ tus còp mờ lơh broă bơh ồng John Mc Cain dê là tu\ niam nàng 2 gah cri bơyai, jòi git tai ală gah broă lơh gơtùi tam klăc, mờ đơs tờm, tơngai lài, git gơp tam klac sền gàr dà lơgar đah 2 lơgar neh lơh geh ờ uă cồng nha niam tàm ală gah bơto bơtê, lơh sơnơm ling klàng, rồ jòi [ồm mền, phan bơrtoh, bơsong jơnau gơlời wơl bơh sơnơm khih điôxin lơh aniai mờ jòi bồc ntìng ling ờ hềt geh jòi bàn tàm rài tam lơh; kơp kờ` là tàm gơnoar broă he dê, ồng John Mc Cain geh pơnjat tai geh ală tă pơgồp chul chồl, rề ơnàng git gơp tam klac bal đah 2 lơgar, lơh ngan bơtàu tơnguh git gơp lơh bơyô, sền dờng màng gùng dră bal, tài ngap lơngai, tam klăc bơtàu tơnguh bơh làng bol 2 lơgar Việt Nam mờ Mỹ.

Cau mblàng K’ Duẩn