VOV4.K’ho – Drim òr, 11/8, tàm Đà Nẵng, Mpồl đơng lam Đảng kuang àng dà lơgar mờ Gah kuang àng dà lơgar bơyai lơh tìp mat rlau 100 nă kuang bàng kuang àng dờng màng neh jơh sơnam lơh broă tiah đah tàm gùl lơgar mờ Tây Nguyên di tơngkah 70 nam ngai bơhìan Kuang àng làng bol mờ 10 nam ngai chờ gùt làng bol sền gàr ngap lơngai dà lơgar. Tus bal mờ geh jơnau đơs, Đại tướng Trần Đại Quang kuang atbồ Gah kuang àng dà lơgar pơyua tus ală kuang bàng dờng sơnam, kuang bàng dờng màng gah Kuang àng neh jơh sơnam lơh broă ală jơnau nting sap gờm chờ niam bơne\. Đại tướng đơs tờm, cồng nha bal mờ mpồl kuang àng làng bol dê tàm tơngai lài geh bơta tă pơgồp bơh ală kuang bàng dờng sơnam, ală kuang bàng, kuang đơng lam bồ, sĩ quan kuang àng dờng màng neh jơh sơnam lơh broă. Gah kuang àng dà lơgar sùm sền dờng màng mờ cih dờp ală jơnau đơs tă pơgồp jơh nùs bơh ală oh mi kuang bàng kuang àng jơh sơnam lơh broă tus mờ broă lơh sền gàr ngap lơngai dà lơgar, kơp kờ` pơnjat tai dờp geh ală jơnau đơs kuơ màng tàm tơngai tus nàng bơt bơtàu mpồl kuang àng làng bol ngai sơlơ sàng kloh, pràn kơldang, kơ\ kơljap.

                                                                                                   Cau mblàng K' Duẩn.