VOV4. K’ho - Di dơ\ lòt lơh broă tàm Tây Nguyên, ngai òr 25/01, Đại tướng Trần Đại Quang kuang geh jơng Gah Gùng dră bal dà lơgar, Kuang atbồ Gah Kuang àng dà lơgar mơkung la Kuang atbồ Mpồl đơng lam Tây Nguyên neh tus còp, nting săp sa tềp mờ pà phan ai làng bol ală [òn Ko Siêr, Păn Lăm, sơnah bòn Tân Lập, bòn dờng Buôn Ma Thuột, càr Dak Lak in. Tàm Hìu chài rơ gơi mpồl bơtiàn [òn Păn Lăm, Đại tướng Trần Đại Quang neh yal mờ làng bol in broă tàm lơgar mờ tàm dunia; ală cồng nha lơh geh tàm broă lơh sa- mpồl bơtiàn pơn rơ ngan mờ broă lơh sền gàr niam bơta ngăp lơngai mờ dà lơgar nam 2014 bơh gùt lơgar dê đơs bal, mờ bơh kơnhoàl Tây Nguyên dê đơs is. Đại tướng Trần Đại Quang nting săp làng bol ală kòn cau tàm càr Dak Lak đơs bal mờ ală [òn Păn Lăm, bòn Ko Siêr đơs is, chờ sơnam pa sa tềp bơhiàn bơh jơi bơtiàn dê ram mhu\, ngăp lơngai chờ hờp. Đại tướng Trần Đại Quang neh jàu 30 bơnah phan pà ai ală hìu rbah in, tơl bơnah phan pà tàm hơ\ geh phan bơna mờ priă jền kờp jơh mờ priă là rlau 1 tơlak, mơkung dong kờl [òn Ko Siêr, mờ [òn Păn Lăm, tơl bòn 100 tơlak priă nàng làng bol bơyai lơh wa\ rò sơnam pa, sa Tềp bơhiàn lơgar he nam Ất Mùi 2015.