VOV4.K’ho - Ngai òr (29/05), tàm Hà Nội,  đại tướng Trần Đại Quang kuang atbồ gah kuang àng Việt Nam neh wa\ mpồl lơh broa\ ling klàng Gơnoar ala mat dà lơgar Mỹ bơh ồng John Mc Cain  kuang atbồ anih duh broa\ ling klàng gơnoar ala mat dà lơgar Mỹ lam bồ. Tàm bùi wa\,  ồng Trần Đại Quang neh gờm chờ mờ đơs  niam  dơ\ tus còp mờ lơh broa\ tàm Việt Nam dơ\ do mpồl dê, di tơng kah 20 nam ngai  geh bơta git gơp lơh broa\ bal bơh 2 lơgar. Đơs tờm bơnga\ mờ ala\ ta\ pơ gồp bơh anih lơh broa\ ling klàng Gơnoar ala mat dà lơgar Mỹ đơs bal,  ồng John McCain đơs is tàm broa\ bơtàu tơngguh chul chồl git gơp 2 lơgar Việt Nam-Mỹ. Ồng Trần Đại Quang kơp kờ` geh ala\ broa\ lơh nền nòn, ngan ngồn nàng chul chồl bơta git gơp lơh broa\ bal tơl làm 2 lơgar. Ồng John McCain mờ ala\ kuang tàm mpồl kung cih dờp, đơs jơnhua bơta ta\ pơ gồp kuơ màng bơh anih lơh broa\ mut ngui adat boh lam Việt Nam tàm broa\ chul chồl bơta git gơp tơl làm 2 lơgar gơ mut tàm bơta mùl màl, kơp kờ` 2 gah geh pơnjat tai gàr sùm, chồl guh ala\ gah lơh broa\ bal tu\ do geh kờ` tơngguh bơta git wa\ bal. Ồng John McCain mờ ala\ cau kuang tàm mpồl geh đơs bơta ờ suk ngan  bè ala\ bơta gơbàn kal ke pa do tàm dà lềng đah mat tơngai lik, đơs tờm pơnjat tai geh kờ` ala\ broa\ lơh geh bơsong tam phà mờ broa\ lơh ngap lơngai, ai bơh lơh jat adat boh lam dunia.

                             Cau mblàng K’ Brọp.