VOV4.K’ho - Drim òr (09/07), tàm [òn dờng Dà Làc, càr Lâm Đồng, mpồl lơh broa\ sồ 2 bơh mpồl đơng lam dà lơgar bè  rcang sơndra\ sa kuề sa kùa, bơh đại tướng Trần Đại Quang lơh kuang jat jơng atbồ, mờ la kuang atbồ gah kuang àng dà lơgar lam bồ neh geh bùi lơh broa\ mờ mpồl đơng lam Đảng  càr Lâm Đồng bè broa\ lơh tus sền, sền gròi, sồr lơh broa\ lơh rcang sơndra\ sa kuề sa kùa tàm càr.

Đại tướng Trần Đại Quang lơh broa\ tàm càr Lâm Đồng.

Tàm bùi lơh, đại tướng Trần Đại Quang geh đơs niam ala\ cồng nha tàm broa\ lơh tam dra\, rcang sơndra\ sa kuề sa kùa, hoàc hươr bơh càr Lâm Đồng tàm tơngai lài, geh pơ gồp bal sền gàr ngap lơngai, rcang sơndra\  cau tìs mờ drơng bơtàu tơngguh lơh sa mpồl bơtìan bal bơh càr. Mơ kung tơng kah càr pơnjat tai tơngguh broa\ lơh rlau tai tàm  broa\ atbồ, lam sồr nàng broa\ lơh rcang sơndra\ sa kuề sa kùa geh cồng nha jơnhua tàm tơngai tus. Đại tướng Trần Đại Quang, đơs:“A` sồr pal pơnjat tai chồl guh cồng nha neh lơh geh tàm broa\ lơh tam dra\ sơndra\ sa kuề sa kùa tàm càr tàm tơngai lài. Tơngguh broa\ lơh atbồ, lam sôr nàng geh lơh pràn broa\ lơh tam dra\ sa kuề sa kùa kờ` lơh geh cồng nha jơnhua rlau tai  lơh  di bơta kơp kờ` bơh ala\ rnàng làng bol mờ kung lơh geh broa\ lơh bơta kờ` bơh Đảng dà lơgar dê, Gơnoar ala mat dà lơgar, Gơnoar atbồ dà lơgar neh tơlik lơh. Lơh geh bơta hơ\,  geh lơh pal tơngguh bơta atbồ bơh mpồl đơng lam Đảng,  bơnga\ atbồ bơh anih lơh broa\ atbồ dà lơgar mờ dùl lơh ngan gùng dra\ bal jơnhua. Pal geh tơr gùm bơta tus bal bơh ròt gùng dra\ bal mờ ala\ rnàng làng bol. Mơ kung pal geh lơh tơl làm bơtàu tơngguh khà, tơngguh cồng nha lơh geh bơh ala\ anih lơh broa\ geh gơnoar”.

                                                Cau mblàng K’ Brọp.