VOV4.K’ho- Ủy ban Nhân dân càr Dak Lak pa geh kơrnuat bè broă jàu mùl màl broă rơndap lơh priă bơcri bơtàu tơnguh bơh kes priă càr dê tă nàng lam lơh Broă lơh jơnau kờñ dà lơgar bơt bơtàu ƀòn lơgar pa, broă rơndap lơh nam 2021.

Jat hơ̆, kờp jơh priă tă là 180 tơmàn đông. Ủy ban Nhân dân càr jàu ală mpồl lơh broă geh gơ rềng lam lơh broă rơndap lơh tă priă bơcri gàr jơnau kờñ bơh broă lơh dê. Ủy ban Nhân dân ală kơnhoàl, thị xã, ƀòn dờng jat tàm khà priă geh tam pà mờ sră nggal broă lơh geh ring bal nàng ai tơlik kơrnuat tam pà, yal mùl màl broă rơndap lơh ngui priă bơcri tơl rơndap broă lơh. Ală cau tờm bơcri priă jat tàm khà priă geh tam pà, hòi jà bơta tus bal bơh làng bol dê nàng lam lơh jat mờ tă priă di mờ jơnau sồr.

Cau mblàng K’Duẩn