VOV4.K’ho – Gah Bơto bơtê mờ bơsram càr Dak Lak bơyai lơh Dơ\ tơn jơh mờ jàu khà jờng Dơ\ pơrlòng Olympic ngai 10/03 dơ\ I nam 2016. Tus bal dơ\ pơrlòng do geh 1.162 nă kơnòm bơsram bơh 40 hìu bơsram kai III tàm gùt càr dê, pơrlòng tàm 10 bơta. Cồng nha geh 639 nă kơnòm bơsram geh khà jờng, tàm hơ\ geh 175 nơm gai lòng biàng, 232 nơm gai lòng trà, mờ 232 nơm gah lòng lơngo. Dơ\ pơrlòng Olympic ngai 10/03 geh Gah bơto bơtê mờ bơsram bơyai lơh ờs mờng pah nam lời ai kơnòm bơsram ơdu\ 10 mờ ơdu\ 11 in kờn sền go\ ală kơnòm bơsram geh bơta chài, lơh geh cau nàng bơto bơtê kơnòm bơsram jak nàng lòt pơrlòng kơnòm bơsram jak gùt lơgar. Do là broă lơh geh kuơ ngan bơh gah bơto bơtê mờ bơsram dê tơngkah 41 nam Tam lơh pha lin Buôn Ma Thuột, tơngklàs càr Dak Lak.

Cau cih mờ yal tơngi\t- Lơ Mu K’ Yến