VOV4.K’ho- Tus tu\ do, càr Dak Lak neh sơm bời lơh 3 nă cau gơtìp kòp Covid-19 mờ kơrian geh cồng nha broă gơmu\t bơh kòp gơtờp tàm dơ\ 3 do. Pơgồp bal tàm broă kơrian geh cồng nha hơ\ là ală cau ùr y, bác sĩ, điều dưỡng, cau lơh sơnơm, do là ală cau neh ơm ing broă hìu nhă tờm, tu\ lơi rơcang ngai kung bè mang tàm ală tiah gơtìp nàng sơm cau kòp in; wàng se, kơrian tiah gơtìp kòp…

Di ngai dunia cau ùr ngai 08 nhai 3, Nam Trang, cau ai tơng^t jơnau đơs Việt Nam tàm Tây Nguyên geh jơnau yal bè ală broă pơgồp bal bơh ală cau ùr tàm broă tam dră mờ kòp Covid-19 tàm càr Dak Lak.

Ngai 30 nhai 7 nam 2020, lo\ Lê Thị Bình, Điều dưỡng atbồ khoa Nội 2, hìu sơnơm Lao mờ kòp klờm soh càr là dùl tàm ală y, bác sĩ, cau dong broă bơh mpồl sền gàr sơnrờp ngan dờp jơnau hòi jà tus bal sền gàr, sơm kòp ai cau kòp Covid-19 in.

                    Cau ùr y, bác sĩ, cau lơh broă tàm càr Dak Lak rơcang sơndră mờ kòp gơtờp

Rơlao 1 nhai tàm tiah tam cah is, bơdìh mờ kơnòl sền gàr bơta pràn kơl dang să jan ai ală cau kòp Covid-19 in, lo\ gam sùm boh bơr, đềt mềr mờ ală cau nàng lam sồr ală cau kòp ring niam nùs nhơm, iang nùs tàm broă sơm kòp: “Ngai dờp geh jơnau pal tam cah is tơrgùm bal den ală oh mi cau ùr kung ờ rơcang thàn, den tàng tu\ geh kuang đơng lam yal là tam cau mpồl cau sền gàr hơ\ sồng oh mi cau ùr lơh ngan ntoăt rê nàng ai 2, 3 nơm phan soh hơ\ sồng tus dờp kơnòl.

{ùi mho ngai hơ\, đah hìu sơnơm tiah Tây Nguyên jun rơlao 40 nă cau kòp pơn diang mờ rơndeh tàm 2 dơ\, mơya tàm mang ngai hơ\ ală cau sền gàr mìng geh 2 nă bác sĩ tờm mờ 6 nă điều dưỡng. Tus ngai tơnơ\, là cau kòp neh tus rơlao 70 nă tàm hơ\ geh 3 nă cau geh go\ mờ kòp. Mùl màl oh mi tus tàm do neh g^t lài bơh sơnrờp mìng geh đơs chờ dùl jơnau là l^k lòt mờ ờ pơrgon ngai rê bè tàm rài tam lơh mơ”.

Tàm satềp Tân Sửu pa do, lo\ Trần Thị Nguyên Hằng, cau lơh broă tàm Khoa xét nghiệm sền nàng g^t kòp bơh rùp, sền gròi gơnoar broă bơh anih tờm sền gròi kòp tê jê să càr Dak Lak ờ geh ngai ơm rơlô.

Tài kòp Covid-19 dơ\ pe gơbàn di tàm satềp, làng bol bơh tàm ală tiah gơtìp kòp rê tus càr Dak Lak gal ngan, tàm hơ\ geh uă cau pal mhar lơh xét nghiệm nàng g^t go\ mờ Sars CoV-2, khà broă lơh gơguh uă ngan. Lo\ Hằng yal: “Jơh ală oh mi tàm mpồl ai phan xét nghiệm tu\ hơ\ là lời ing cau tàm hìu nhă dùl bơnah, ờ gam kơlôi tus mờ jơnau ơm rơlô satềp ha là ơm rơlô chờ lơi tai. Tài he mìng kơlôi sơcang sơndră mờ kòp ai mpồl bơtiàn in kung là rơcang sơndră ai ală cau hìu nhă bal mờ să tờm he in tai”.

Là dùl tàm ală cau tàm mpồl ntrờn rơcang sơndră mhar mờ kòp tê jê să càr Dak Lak dê, lo\ Trương Thị Thuý Hằng, cau lơh broă tàm Khoa xét nghiệm sền g^t kòp bơh rùp, sền gròi gơnoar tờm, sùm geh tàm bơta tu\ lơi kung rơcang lài.

Sùm pal gơtìp mờ bơta di gơlan gơtìp gơtờp kòp, mơya lo\ mờ ală cau lơh broă bal gam sùm lam sồr bal lơh ngan tài să tờm, tài hìu nhă mờ tài mpồl bơtiàn. “Tàm dơ\ lơh broă a` dê di lah geh broă hòi jà bơh kuang đơng lam Khoa den tàm 30 phút rơndăp săp sèng broă lơh, di lah ngai rơlô den pal rơndăp săp sèng broă tàm hìu kòn bao in, gam di lah ngai gam tàm anih lơh broă den rơndăp săp sèng broă lơh anih lơh broă nàng lòt ai phan sền g^t kòp Covid-19”.

Ală broă lơh ngan bơh ală cau ùr y, bác sĩ, điều dưỡng, cau lơh broă gah lơh sơnơm neh pơgồp bal tàm broă dong kờl càr Dak Lak lơh geh cồng nha tàm broă wàng se, kơrian kòp Covid-19.

Cau cih Nam Trang-Cau mblàng Ndong Brawl