VOV4.K’ho – Bơta chài rơgơi cing mồng digơlan pơhìn gơtìp hi\u roh te\ tàm uă [òn lơgar tàm càr Dak Lak dê. Mơya, tàm [òn Ko\ mleo, ntum Hoà Thắng, [òn dờng Buôn Ma Thuột, geh dùl mpồl ală oh dềt kòn cau Rơđê kung gam jơh nùs ngan, tơryang tơryồng sùm mờ broă bơsram bơta chài tur cing ja` mồng mờ tur cing ja` mồng ai cau in sền.

Tềng hơđơm m[ur tờm chi muồng kềng gah hìu chài rơgơi [òn Ko\ mleo, ntum Hoà Thắng, [òn dờng Buôn Ma Thuột, càr Dak Lak, dùl mpồl cau geh 20 nă oh klau dềt là cau Rơđê, oh dềt sơnam ngan rlau jơh rơ\p 6 sơnam, oh dờng sơnam ngan rlau jơh là 17 sơnam, gam tơryang tơryồng ngan sền mờ bơsram dròng cing jat bơta bơto pơlam bơh cau chài bơhiàn dròng cing yau Y Hiu Niê Kdăm dê. Ală oh ơm nggui gùt dar cau chài, jơh nùs ngan ngan sền jat tơl broă lơh bơh cau pơgru dê, bơh broă ìa gai pờng, kờp pờng dơ\ nteh mờ kờp is dơ\ nteh pờng.

Tơnơ\ tu\ bơto pơlam bal, cau chài bơhiàn dròng cing yau Y Hiu dơ\ dùl dơ\ lòt sền tơl nă oh. Bulah pa bơsram mơya bàr pe nă oh bơsram mhar gi\t ngan, gi\t wa\ broă pờng dơ\ nteh mhar ngan. Bơh hơ\, cau chài bơhiàn dròng cing yau Y Hiu tam cah mpồl, nàng geh broă bơto pơlam gơ in dipal. Cau chài bơhiàn dròng cing yau Y Hiu, pà gi\t: “” A` kung sền go\ là ală oh tơryang tơryồng jơh nùs ngan bơsram, ală oh kung đal gi\t geh là tu\ lơi kung geh bơta pa lơm, ală bơta niam krơi is bơh gơ dê. Tus tu\ do, den ală oh kung jơh nùs ngan, den bàr pe nă oh kung gam geh sơl ală bơta ờ hềt chài ngan, gơ jat tàm bơta chài is bơh tơl nă cau dê. A` sền go\ là ơdu\ bơsram do mờr rlau nggùl ală oh bơsram kung neh gi\t sơl”.

Kàl rlô bơkang nam do, ơdu\ bơto dròng cing dơ\ sơnrờp geh lơh tàm [òn Ko\ mleo mờ priă tă lơh là pơgăp 30 tơlak bơh Anih duh broă làng bol [òn dờng Buôn Ma Thuột dê ai. Tàm pơgăp 1 nhai, cau chài Y Hiu Niê Kdăm geh bơto yal wơl ală oh in ală bơta chài dròng cing kuơmàng ngan rlau jơh tàm jơh bal 2 bơta cing là cing lơh mờ lơngo mờ cing lơh mờ gle. Ală ngai bè ờs, ơdu\ bơsram geh bơto tàm hìu chài rơgơi [òn mơya ngai do, [òn bơyai lơh pơrjum làng bol den tàng neh geh ntrờn tus tềng hơđơm tờm chi muồng. Bulah bơsram tàm tiah lơi den bơta kờ` gơboh bơh ală oh dê kung ờ go\ gơ tam gơl sơl.

Ơdu\ bơsram gam bơsram, den bi ùr Hoàng Thị Thuỷ kuang atbồ Mpồl ơruh pơnu ntum Hoà Thắng tus còp ơdu\ bơsram, tềng tê ìa bal dùl kơldung plai. Ơdu\ geh cau năc, mờ geh tai phan pà, ală oh gơ lơh sơlơ gơkờ` mờ chờ hờp ngan rlau. Bi ùr Thuỷ pà gi\t, do là broă nàng pơn jờng nùs nhơm ală oh in, kơ\p kơnờm ală oh geh bơsram niam ngan mờ tơnơ\ do ntum den geh tai dùl mpồl cing gle, jơnau mờ jơh bal dùl ntum sùm kơ\p kờ`. “Den kung pơn jờng, hòi jà ală oh sơl, digơlan là ngai do lòt bơsram den geh ùr pơgru halà klau pơgru tus bal pơn jờng, den ngai hìng ală oh geh lơh ngan tus bal tơl mat rlau mờ hòi jà ală bơyô ndai uă rlau. Den tàng là sùm tàm bùi mho, bol a` kung sồr cau bơh mpồl chài rơgơi yal tơngi\t jơnau ntum halà mpồl ơruh pơnu tus pơn jờng ală oh”.

Jat bơhiàn bơh yau kòn cau Rơđê dê, mìng geh cau neh dờng hơ\ sồng geh dròng cing, ai kơnòm dềt ờ hềt tơl sơnam den ờ geh ai dròng cing. Mơya, tu\ do, tiah nàng tur cing ja` mồng ai cau in sền ờ gam geh uă tai, cau chài jơnau yau gi\t lơh niam wơl cing, dròng cing ngai sơlơ ờ gam geh uă tai mờ jơh ală ndrờm neh dờng sơnam neh kra, broă bơto yal wơl, bơto bơtê rơnàng kơnòm să tàm pơn jat tai in ngai sơlơ gơlik gơs jal mhar ngan. Mơya, broă do ờ di là [ươn ờ. Nàng sền gàr dùl mpồl cau dròng cing, bal mờ broă bơcri priă pờ ơdu\ bơto pơlam, jà cau chài tus bơto, ală oh kờ` pal geh bơsram tàp sùm mờ kuơmàng là pal geh tiah ai ală oh in tur cing ja` mồng nàng ai cau in sền.

Tơnơ\ ơdu\ bơsram do, geh tai dùl mpồl cing kơnòm geh crơng gơs. Ală oh geh gơ gơs là mpồl cing ala mat [òn in tus bal tàm ală dơ\ pơrlòng dròng cing halà lòt lơh ai cau in sền tàm tiah do tiah ne. Kơ\p kơnờm là, săp ntas cing bơh ală oh dê geh sơlơ niam rlau uă tai nàng ngai sơlơ niam ngan mờ di ngan,  mờ mpong ntas sơlơ nggồr dờng tus ngài. Săp ntas cing hơ\ geh lòt jat jơng cơnđoà lòt bơh ală oh dê lòt ngài rlau mờ mpong ntas sơlơ dờng rlau ngài rlau.

Cau mblàng Lơ Mu K’ Yến